Mae cyllid Llywodraeth Cymru o hyd at £1.85 milwn bellach ar gael i roi hwb i'r diwydiant morol, pysgodfeydd a dyframaethu yng Nghymru.
Nod y cynllun yw sicrhau twf cynaliadwy yn y sector a helpu cymunedau arfordirol i ffynnu.
Bydd y cyfnod ymgeisio yn parhau ar agor am 12 wythnos, gan gau ar 31ain Mawrth. Gellir cefnogi amrywiaeth eang o weithgareddau drwy'r cynllun o dan 11 categori ar wahân.
Mae'r gweithgareddau yn cynnwys, ond heb fod yn gyfyngedig i'r canlynol:
- Cyllid i gynyddu potensial safleoedd dyframaeth ac offer ar gychod gyda'r nod o leihau allyriadau a gwell effeithlonrwydd ynni
- Cyngor proffesiynol i fusnesau sy'n amrywio o gynaliadwyedd yr amgylchedd morol i gynlluniau busnes a marchnata
- Gallai ymgeiswyr hefyd wneud cais am gyllid ar gyfer eitemau iechyd a diogelwch dewisol ar fwrdd cychod neu ar y ti
Darparodd y rownd ariannu ddiwethaf grantiau ar gyfer amrywiaeth o brosiectau gan gynnwys gwelliannau seilwaith i harbyrau, prosiectau ymchwil morol, prosiectau iechyd a lles pysgotwyr, offer prosesu yn ogystal ag eitemau llai fel peiriannau iâ, plu iâ, cloriannau pwyso a blychau oer.
Rhaid i ymgeiswyr fod wedi cofrestru ar Taliadau Gwledig Cymru (RPW) Ar-lein, lle gellir dod o hyd i'r prosesau ymgeisio a hawlio: Cylch Ariannu Cyffredinol (Cynllun Môr a Physgodfeydd Cymru): 7 Ionawr i 31 Mawrth 2026.
Am ragor o wybodaeth cliciwch ar y ddolen hon: Cyllid ar gael ar gyfer Cynllun Môr a Physgodfeydd Cymru | LLYW.CYMRU.