Mae naw cwmni gemau o Gymru ar fin manteisio i'r eithaf pan fyddant yn arddangos yn y Tokyo Game Show fel rhan o ymweliad cyntaf Cymru Greadigol â'r arddangosfa fyd-eang.
Gan ymuno â thîm Cymru Greadigol ar stondin arddangos Cymru Wales, bydd y naw cwmni o Gymru yn creu cysylltiadau newydd, yn cwrdd ag arweinwyr y diwydiant ac yn cynyddu gwelededd rhyngwladol Cymru fel cenedl o bobl greadigol a thalentog.
Nawr yn ei 30ain blwyddyn, Tokyo Game Show yw un o ddigwyddiadau mwyaf y byd i'r diwydiant, gyda chewri byd-eang fel Nintendo, Microsoft, Sega, Konami ac EA i gyd yn mynychu'n rheolaidd.
Mae'r sector gemau fideo yn flaenoriaeth i Cymru Greadigol, sydd wedi buddsoddi mwy na £5.7 miliwn mewn dros 100 o fusnesau gemau ers 2020.
Mae ymweliad Cymru Greadigol â’r Tokyo Game Shoe yn cael ei gynnal ochr yn ochr â thaith fasnach dan arweiniad Llywodraeth Cymru gyda'r nod o gryfhau cysylltiadau economaidd a chreu cyfleoedd allforio newydd yn Japan, lle roedd cyfanswm allforion nwyddau o Gymru oddeutu £280 miliwn yn 2025.
Mae'r ddirprwyaeth i'r Farchnad Allforio yn cynnwys 16 o fusnesau o amrywiol sectorau ac mae'r rhaglen yn cynnwys derbyniad yn Llysgenhadaeth Prydain yn Tokyo, a gynhelir gan Lysgennad Prydain i Japan, ymhlith llu o weithgareddau eraill.
Am fwy o wybodaeth, cliciwch ar y ddolen hon: Cwmnïau gemau o Gymru yn ceisio codi lefel yn y Tokyo Game Show | LLYW.CYMRU.