Datgloi Cyllid ar gyfer Eich Prosiect Ynni Glân - Buddsoddwch mewn prosiectau ynni glân a datgarboneiddio i ostwng costau, gwella effeithlonrwydd a datgloi cyfleoedd newydd.
Nod y Gronfa Ynni Glân gwerth £24.6 miliwn, yw i gefnogi prosiectau ynni glân yn y Gogledd. Mi fydd yn grymuso busnesau a sefydliadau gwirfoddol i greu dyfodol cynaliadwy, cyflawni buddsoddiad o £100 miliwn yn y rhanbarth, creu 150 o swyddi newydd, a thorri hyd at cyfwerth 125,000 tunnell o garbon deuocsid (CO2e).
Mae'r gronfa'n cynnwys dwy is-gronfa ar wahân, sy'n targedu'r sectorau preifat a gwirfoddol.
Gwahoddir ceisiadau gan y sefydliadau canlynol ar gyfer prosiectau sydd wedi'u lleoli yng Ngogledd Cymru:
- Busnesau neu sefydliadau sector preifat sy'n gweithredu yn y rhanbarth
- Sefydliadau gwirfoddol, elusennau, a phrosiectau dan arweiniad y gymuned
- Sefydliadau eraill sydd wedi ymrwymo i ddatgarboneiddio ac effeithlonrwydd ynni
Ar gyfer beth y gellir ei ddefnyddio?
- Cynhyrchu ynni adnewyddadwy a seilwaith
- Datrysiadau ynni clyfar gan gynnwys storio
- Effeithlonrwydd ynni, datgarboneiddio ac ôl-ffitio
- Cyfleoedd gweithgynhyrchu a chadwyn gyflenwi
Cliciwch ar y ddolen ganlynol i gael rhagor o wybodaeth: Uchelgais Gogledd Cymru | Cronfa Ynni Glân