Mae Ffilm Cymru’n cyllido datblygu a chynhyrchu ffilmiau byrion gweithredu byw, dogfen ac animeiddio ar gyfer cynulleidfaoedd sinema, gan gyfarwyddwyr wedi eu geni neu’n byw yng Nghymru.
Mae cronfa Beacons yn cyfuno arian y Loteri Genedlaethol a ddaw drwy Gyngor Celfyddydau Cymru, ac arian y BFI NETWORK a ddaw drwy Sefydliad Ffilmiau Prydain.
Pwy sy’n gallu gwneud cais:
- Timau awdur, cyfarwyddwr (neu awdur-gyfarwyddwr) a chynhyrchydd
- Timau awdur a chyfarwyddwr (neu awdur-gyfarwyddwr ar ben eu hunain) heb gynhyrchydd eto
Rhaid i gyfarwyddwr y prosiect naill ai fod wedi cael eu geni yng Nghymru neu’n byw yma. Dylai awduron, cyfarwyddwyr a chynhyrchwyr fod yn gallu dangos enw da creadigol yn eu rôl (mewn ffilm neu ffurf arall berthnasol ar gelfyddyd) ond heb eto fod wedi cyfarwyddo ffilm nodwedd a dderbyniodd gytundeb dosbarthu masnachol.
Gallwch ymgeisio am hyd at £25,000 i wneud un ffilm gweithredu byw, animeiddio, dogfen neu hybrid yn para hyd at 15 munud ac wedi’i thargedu at gynulleidfaoedd sinema.
Dyddiad cau: 12 Mehefin 2026 am hanner dydd.
Am ragor o wybodaeth cliciwch ar y ddolen hon: Beacons: Cronfa Ffilmiau Byrion | Ffilm Cymru.
O gyllid ac adnoddau i gefnogaeth ac canllawiau, rydym wedi ymrwymo i helpu ein diwydiannau creadigol i ffynnu. Archwiliwch y cyfleoedd sydd ar gael i chi: Hafan | Cymru Greadigol.