Mae angen i fusnesau sydd wedi cofrestru ar gyfer y Gwasanaeth Cymorth i Fasnachwyr (TSS) baratoi i symud i'r platfform newydd cyn 20 Hydref 2026 i sicrhau eu bod yn gallu parhau i symud nwyddau rhwng Prydain Fawr a Gogledd Iwerddon.
Mae TSS yn blatfform digidol rhad ac am ddim sy'n rhoi cefnogaeth o'r dechrau i'r diwedd i fusnesau sy'n symud nwyddau rhwng Prydain Fawr a Gogledd Iwerddon, gan eu helpu i gydymffurfio â Fframwaith Windsor.
O 1 Hydref 2026 bydd busnesau sy'n defnyddio TSS ar hyn o bryd yn cael negeseuon e-bost gyda chyfarwyddiadau ar sut i gofrestru ymlaen llaw ar gyfer y platfform newydd. Byddant hefyd yn cael cyfarwyddiadau ar gyfer defnyddio amgylchedd prawf lle gallant ymgyfarwyddo â sut mae'r platfform yn gweithio.
Rhaid cyflwyno pob symudiad nwyddau sy'n digwydd ar neu ar ôl 20 Hydref 2026 i’r platfform newydd. Ni fydd y TSS presennol yn derbyn symudiadau newydd o'r dyddiad hwn.
Am ragor o wybodaeth, cliciwch ar y ddolen hon: Trader Support Service users urged to prepare for new platform - GOV.UK.