Mynediad at Gyllid Allforio i Allforwyr

Event overview

Mae Llywodraeth Cymru yn cynnal digwyddiad Cyllid Allforio mewn partneriaeth ag arbenigwyr blaenllaw ym maes cyllid allforio, i helpu busnesau i ddeall y cyllid, yr opsiynau ariannu a'r cymorth sydd ar gael i hybu eu twf ac uchelgeisiau allforio.

Ymunwch â ni i glywed gan banel o arbenigwyr o Fanc Datblygu Cymru, UK Export Finance, Atradius, Caspian Partners a chynrychiolwyr o fanciau blaenllaw.

Beth fyddaf yn ei gael o'r digwyddiad hwn?

Drwy fynd i’r digwyddiad hwn, byddwch yn cael gwybodaeth werthfawr am yr opsiynau cyllid allforio, cyfleoedd ariannu a chymorth arbenigol sydd ar gael i helpu eich busnes i dyfu'n rhyngwladol ac i fynd i mewn i farchnadoedd newydd yn hyderus.

Byddwch hefyd yn cael cyfle i gymryd rhan mewn sesiwn un-i-un gydag arbenigwyr cyllid allforio yn dilyn y seminar. Bydd y sesiynau preifat hyn yn eich galluogi i barhau â'r drafodaeth, archwilio materion sy'n berthnasol i'ch busnes, a gofyn cwestiynau mwy penodol yn seiliedig ar eich amgylchiadau unigol.

Pwy ddylai fynychu?

• Allforwyr newydd
• Allforwyr presennol
• Busnesau sydd am ddeall yr opsiynau cyllid ac ariannu ar gyfer allforio yn well