Rhoddodd Rhaglen Cyflymu Busnesau Newydd Busnes Cymru, yr hyder a'r sgiliau i mi wireddu fy ngweledigaeth. Roedd yn brofiad trawsnewidiol a wnaeth fy llunio i yn entrepreneur.
Mae Rhaglen Cyflymu Busnesau Newydd Busnes Cymru, yn fenter flaenllaw sydd â'r nod o feithrin a hyrwyddo doniau entrepreneuraidd mwyaf disglair Cymru. Dros raglen ddwys o 12 wythnos, bydd cyfranogwyr yn cael arweiniad arbenigol, cyngor mentoriaid a chyfleoedd rhwydweithio amhrisiadwy i drawsnewid eu syniadau arloesol yn fusnesau cynaliadwy, y gellir eu tyfu. Roedd carfan 2024 yn cynnwys 21 o entrepreneuriaid o bob rhan o Gymru, a oedd yn cael eu dathlu am eu penderfyniad a'u creadigrwydd mewn seremoni wobrwyo ar ddiwedd y rhaglen.
Ymhlith enillwyr y gwobrau roedd Trystan Lloyd, sylfaenydd LYFT Club, a enillodd Wobr Cyflymydd Gwerthu am ei blatfform arloesol yn cysylltu gweithwyr ffitrwydd proffesiynol â chleientiaid. Mae LYFT Club yn cyfuno technoleg arloesol â phrofiadau personol Trystan i ailddiffinio sut mae gwasanaethau ffitrwydd yn cael eu cyrchu a'u darparu.
A LYFT Club yn masnachu erbyn hyn ac yn prysur fynd o nerth i nerth, mae taith Trystan yn enghraifft o botensial trawsnewidiol Rhaglen Cyflymu Busnesau Newydd Busnes Cymru.
Buom yn siarad â Trystan i ddysgu rhagor am ei daith, effaith y rhaglen, a'i gyngor i ddarpar entrepreneuriaid.
Allwch chi esbonio'r syniad y tu ôl i LYFT Club?
Mae LYFT Club yn blatfform ar-lein sy'n cysylltu cwsmeriaid â gweithwyr ffitrwydd proffesiynol, fel hyfforddwyr personol a champfeydd. Mae'n gyfeiriadur lle mae darparwyr yn arddangos eu gwasanaethau tra bydd cwsmeriaid yn cymharu adolygiadau, cynigion a phrisiau, yn debyg i Checkatrade ond ar gyfer y diwydiant ffitrwydd. Trwy gymhwyso model busnes profedig i ffitrwydd, mae LYFT Club yn dod â thryloywder, dewis a gwybodaeth wedi'i dilysu i ddefnyddwyr, gan drawsnewid sut mae pobl yn cyrchu gwasanaethau ffitrwydd. Yn wahanol i unrhyw beth sydd ar gael ar hyn o bryd, mae LYFT Club yn grymuso gweithwyr proffesiynol i ehangu eu sylfaen cwsmeriaid a helpu cwsmeriaid i ddod o hyd i'r hyn sy'n gweddu i'w taith ffitrwydd.
Beth wnaeth eich ysgogi chi i ddechrau eich busnes?
Ar ôl ymddeol o rygbi proffesiynol, roeddwn i'n cael trafferth gydag ymdeimlad o golli pwrpas a sylwi ar fwlch yn y farchnad. Nid oedd unrhyw ffordd syml o gymharu gwasanaethau ffitrwydd, cyrchu adolygiadau, a dod o hyd i brisio mewn un lle. Gan dynnu ar fy mhrofiad mewn chwaraeon a busnes (ac ar ôl cael fy magu mewn teulu hunangyflogedig), fe wnes i greu LYFT Club i bontio'r bwlch hwn, gan roi llwyfan pwrpasol i weithwyr proffesiynol a helpu cwsmeriaid i wneud dewisiadau gwybodus.
Pa heriau oeddech chi'n eu hwynebu cyn ymuno â Raglen Cyflymu Busnesau Newydd Busnes Busnes Cymru, a sut gwnaethoch chi eu goresgyn?
Fy her fwyaf oedd hunan-amheuaeth. Er fy mod i'n gyfarwydd â'r diwydiant ffitrwydd, doedd gen i ddim profiad mewn technoleg, a oedd yn hanfodol ar gyfer datblygu LYFT Club. Roedd y mentora ar y rhaglen yn allweddol wrth fagu hyder. Fe wnaeth fy mentor herio fy mhenderfyniadau a fy nal i'n atebol, a oedd yn amhrisiadwy.
Sut y gwnaeth Rhaglen Cyflymydd Dechrau Busnes Cymru fireinio eich syniad neu eich strategaeth fusnes?
Cadarnhaodd y rhaglen fod fy strategaeth ar y trywydd iawn wrth wella fy nealltwriaeth o feysydd busnes allweddol. Roedd gweithdai a sesiynau mentora yn darparu'r cymorth a'r atebolrwydd yr oedd eu hangen arnaf i lansio LYFT Club yn hyderus.
Beth sy'n eich cymell chi yn sylfaenydd, a beth ydych chi'n ei fwynhau fwyaf am ddechrau busnes?
Rwy'n frwdfrydig i helpu pobl i ddod yn fersiynau gorau ohonyn nhw eu hunain trwy iechyd a ffitrwydd. Mae lleihau rhwystrau rhag cael mynediad at wasanaethau ffitrwydd yn ganolog i genhadaeth LYFT Club. Mae'r daith entrepreneuraidd hefyd wedi bod yn drawsnewidiol yn bersonol, gan ganiatáu imi ddarganfod ymdeimlad newydd o bwrpas ac archwilio fy ochr greadigol.
Sut mae eich busnes wedi datblygu oherwydd Rhaglen Cyflymu Busnesau Newydd Busnes Cymru?
Y maes mwyaf effeithiol oedd dysgu am fuddsoddiad, deall opsiynau ariannu, a lleoli LYFT Club ar gyfer buddsoddwyr posibl. Roedd y sesiynau mentora yn canolbwyntio ar wytnwch a thwf personol, gan fy helpu i ddod â'm rhinweddau gorau yn sylfaenydd. Fe wnaeth fy mentor, Alex Darby, fy annog i rannu fy stori a dod yn wyneb y brand. Rwyf wedi cofleidio defnyddio fy nghefndir i gysylltu â chwsmeriaid a dechrau creu cynnwys ar y cyfryngau cymdeithasol, rhywbeth nad oeddwn erioed wedi rhagweld ei wneud. Mae hyn wedi cryfhau ymddiriedaeth yn sylweddol gyda darpar gwsmeriaid.
Beth yw eich cynlluniau ar gyfer LYFT Club yn y dyfodol?
Fy mhrif ffocws hyd y gellir rhagweld yw cynyddu ymwybyddiaeth ac ymgysylltiad â LYFT Club wrth sicrhau buddsoddiad i wella ein galluoedd. Yn y pen draw, rwy'n anelu at wneud LYFT Club yn llwyfan byd-eang dewis cyntaf i unrhyw un sy'n cychwyn ar daith iechyd a ffitrwydd.
Beth yw'r wers fwyaf rydych chi wedi'i dysgu o Raglen Cyflymydd Dechrau Busnes Cymru?
Mae entrepreneuriaeth yn anodd ond yn hynod werth chweil. Mae'n mynnu aberth, ond mae'r ymdeimlad o foddhad a chyffro yn ddigymar.
Pa gyngor byddech chi'n ei roi i rywun sy'n dechrau ei fusnes ei hun?
Ewch amdani. Byddwch chi'n darganfod mwy amdanoch chi'ch hun a'ch potensial nag yr oeddech chi'n meddwl ei bod hi'n bosib.
Gofrestru eich diddordeb mewn ymuno â Rhaglen Cyflymydd Dechrau Busnes Cymru nesaf, sy'n rhan o haglen Cyflymu Twf Busnes Cymru.
Dysgwch ragor am LYFT Club.