Sut y gwnaeth Busnes Cymru helpu One Earth Education i ehangu i farchnadoedd rhyngwladol
Mae One Earth Education yn gwmni o Ddinbych sy'n darparu addysg gynaliadwyedd i bobl ifanc ledled y byd trwy ei raglen Climate Kids Academy. Sefydlwyd y busnes ym mis Ebrill 2022 gan yr entrepreneur Tom Powell, ac mae bellach yn cyrraedd disgyblion ledled y DU ac yn rhyngwladol, ochr yn ochr ag One Earth Academy, ei gangen gyflenwi ryngwladol, gyda chefnogaeth Busnes Cymru i gynyddu ei ôl troed byd-eang.
Er bod One Earth Education wedi datblygu cynnig addysg cynaliadwyedd arloesol, roedd cyrraedd marchnadoedd rhyngwladol a chreu'r partneriaethau cywir yn cyflwyno heriau newydd.
Gall cyrraedd marchnad newydd fod yn frawychus, yn enwedig wrth geisio creu'r cysylltiadau cywir.
Gwnaeth Busnes Cymru gefnogi Tom a'i dîm i wneud y canlynol:
- datblygu strategaeth allforio glir
- cysylltu ag arbenigwyr Llywodraeth Cymru yn y wlad
- mynd at y rhai sy'n gwneud penderfyniadau allweddol ar draws rhanbarth y Gwlff
- creu perthynas ag arweinwyr addysg a swyddogion llywodraeth
- llywio cyfleoedd ehangu rhyngwladol
Gyda chefnogaeth gan Reolwr Perthynas Busnes Cymru penodol, ac arweiniad gan arbenigwyr mewn marchnadoedd gan gynnwys Kuwait, Dubai a Qatar, llwyddodd y busnes i ddatgloi cyfleoedd newydd dramor.
Mae cefnogaeth Busnes Cymru wedi bod yn allweddol wrth greu'r partneriaethau sydd eu hangen i dyfu ein presenoldeb rhyngwladol.
Mae One Earth Education wedi llwyddo i sicrhau contractau rhyngwladol ac ehangu ei gyrraedd, gyda Climate Kids Academy bellach yn cefnogi mwy na 85,000 o fyfyrwyr ledled y byd. Mae'r busnes wedi sefydlu presenoldeb cryf ar draws y Gwlff ac yn parhau i dyfu ei rwydwaith byd-eang.
Wrth edrych ymlaen, mae'r cwmni'n adeiladu ar y momentwm hwn, gan archwilio cyfleoedd mewn marchnadoedd gan gynnwys India, Awstralia a Singapore, gyda'r uchelgais o ddod yn blatfform byd-eang blaenllaw ar gyfer cynaliadwyedd ac addysg hinsawdd.
Os ydych chi'n awyddus i dyfu eich busnes yn rhyngwladol, gall Busnes Cymru helpu gyda’r canlynol:
- Cymorth Rheolwr Perthynas
- Cynllunio allforio a chanllawiau strategaeth
- Mynediad at arbenigwyr Llywodraeth Cymru dramor
- Cyflwyniadau i farchnadoedd rhyngwladol
- Cefnogaeth barhaus ar gyfer twf ac ehangu busnes
Mae Busnes Cymru yma i'ch helpu chi i dyfu eich busnes gartref a ledled y byd: Busnes Cymru Allforio.
I gael rhagor o fanylion a chymorth i helpu eich busnes chi i dyfu, neu i siarad ag aelod o'r tîm, cysylltwch â Busnes Cymru. Ewch i Busnes Cymru neu ffoniwch 03000 6 03000. Rydym yn croesawu galwadau yn Gymraeg.