Darganfyddwch sut y gall cyflogwyr ddefnyddio Wythnos Iechyd Dynion, o 9 i 15 Mehefin 2025, i ddechrau sgyrsiau ac annog gweithwyr i gymryd camau rhagweithiol tuag at iechyd gwell.
Mae Wythnos Iechyd Dynion yn codi ymwybyddiaeth o’r heriau iechyd y mae dynion yn eu hwynebu ac yn eu hannog i weithredu.
Mae’r ymgyrch yn sicrhau bod gan bob bachgen a dyn fynediad at y wybodaeth, y gwasanaethau a’r driniaeth sydd eu hangen arnynt i fyw bywydau iachach, hirach a mwy boddhaus.
Gall cefnogi’r ymgyrch ddod â sawl mantais i weithleoedd:
- Gweithlu iachach a mwy ymgysylltiedig
- Gwell cynhyrchiant gweithwyr
- Llai o absenoldeb
- Diwylliant gweithle cadarnhaol sy’n blaenoriaethu lles
I gymryd rhan yn yr ymgyrch, gall cyflogwyr:
- Godi ymwybyddiaeth trwy rannu negeseuon iechyd allweddol trwy eich mewnrwyd, e-byst, posteri, a chyfathrebiadau eraill yn y gweithle
- Trefnu mentrau sy’n cefnogi iechyd dynion, megis diwrnodau profion iechyd, heriau ffitrwydd, neu weithdai lles a sgyrsiau byrion ar bynciau penodol
- Annog sgyrsiau agored am iechyd trwy greu amgylchedd cefnogol a chynhwysol
Dysgwch sut y gall eich gweithle gymryd rhan ym Wythnos Iechyd Dynion: Wythnos Iechyd Dynion - Cymru Iach ar Waith
Darganfyddwch y manteision o gefnogi iechyd a llesiant yn y gweithle i’ch gweithlu, eich gweithle a’ch busnes: Cymru Iach ar Waith - Cymru Iach ar Waith