Cysyniad i Fasnacheiddio

Datblygu Syniad Newydd

Os ydych chi'n gweithio ar rywbeth newydd, boed hynny’n gynnyrch, gwasanaeth neu ffordd newydd o wneud pethau, gallwn eich helpu i'w siapio.

Mae datblygu syniad newydd yn aml yn dechrau gyda chwilfrydedd: problem rydych chi am ei datrys, bwlch rydych chi wedi'i weld, neu syniad na allwch roi'r gorau i feddwl amdano. Nid oes rhaid bod gennych yr atebion i gyd ar y cam hwn; mae'n ymwneud ag archwilio posibiliadau, deall eich opsiynau, a chael y gefnogaeth gywir i gymryd y cam nesaf.

P'un a ydych chi'n braslunio cysyniad, arbrofi gyda phrototeipiau neu'n archwilio arloesedd yn y cyfnod cynnar, bydd y dudalen hon yn eich helpu i ddod o hyd i'r offer a'r canllawiau i ddod â'ch syniad yn fyw.

5 peth i feddwl amdanynt wrth ddatblygu syniad newydd

1. Pa broblem mae eich syniad yn ei datrys?
   Mae arloesedd gwych yn dechrau gyda deall yr angen neu'r cyfle.
2. Pwy fyddai'n elwa arno?
   Mae meddwl am eich darpar ddefnyddwyr yn eich helpu i lunio a mireinio eich syniad.
3. Beth yw'r ffordd symlaf i'w brofi?
   Mae braslun cyflym, prototeip sylfaenol neu beilot bach yn aml yn ddigon i ddysgu llawer.
4. Pa adnoddau allai fod eu hangen arnoch?
   Cyllid a buddsoddiad, deunyddiau, sgiliau technegol a phartneriaid. Mae gwybod hyn yn gynnar yn eich helpu i gynllunio.
5. A yw eich syniad yn un y gallwch ei ddiogelu?
   Gall eiddo deallusol fod yn bwysig ar gyfer rhai cysyniadau a gallwn ni roi arweiniad ichi.

Sut y gall Busnes Cymru helpu?

Nid oes rhaid i droi syniad newydd yn rhywbeth real deimlo'n llethol.
Gall Busnes Cymru eich cefnogi gyda:

• Chyngor 1:1 i'ch helpu i siapio, mireinio a phrofi eich syniad
• Canllawiau arloesi ac ymchwil a datblygu, gan gynnwys llwybrau datblygu ar y dechrau
• Cymorth gyda phrototeipiau, dichonoldeb a phrofi cysyniad
• Cyngor ariannu o fenthyciadau cychwyn busnes i lwybrau cymorth arloesi
• Mewnwelediadau ar eiddo deallusol, nodau masnach a diogelu eich syniad
• Gweithdai ar gynllunio, cyflwyno a datblygu cynhyrchion newydd

Ein nod yw eich helpu i archwilio'ch syniad yn hyderus a deall yr hyn sy'n bosibl nesaf.

Eich cam nesaf

• Dechrau arni 
  Cyflwynwch ymholiad i roi gwybod i ni pa gymorth rydych chi'n chwilio amdano.
• Cofrestru 
  Rhowch ychydig o fanylion amdanoch chi a'r busnes rydych chi'n edrych i'w brynu i'n helpu i deilwra canllawiau ac adnoddau i chi.
• Ymunwch â'n gweithdy "Dechrau Arloesi – O’r Syniad i Weithredu" 
  Adeiladu'r sgiliau i symud o syniad i weithredu.
• Siarad â chynghorydd Busnes Cymru
  Eglurwch eich syniad a chael arweiniad ar ddatblygiad cynnar.
• Archwilio arloesedd a chymorth ymchwil a datblygu
  Darganfyddwch pa lwybrau allai eich helpu i brofi neu ddatblygu eich cysyniad.

Beth bynnag rydych chi'n gweithio arno, rydyn ni yma i'ch helpu chi i'w adeiladu eich ffordd chi.