Llandudno, Conwy
Mae Efan Jones yn hanu o Landudno, Conwy, lle cafodd ei fagu ar fferm ddefaid y teulu ym Mhen y Gogarth. Ar hyn o bryd, mae’n gweithio fel Prentis amaethyddol a gweithiwr fferm ar ran Coed Coch Farms Ltd, gan ddatblygu profiad ymarferol ym maes cynhyrchu da byw o fewn system ffermio adfywiol fasnachol.
Mae Efan wedi datblygu sgiliau ymarferol cadarn trwy weithio gyda defaid a gwartheg, ochr yn ochr â phrofiad ar y fferm deuluol a lleoliadau gwaith ychwanegol ar draws ystod o fentrau fferm. Mae ei gefndir wedi rhoi diddordeb penodol iddo ym maes hwsmonaeth anifeiliaid, pori cadwraeth a systemau ffermio cynaliadwy, gyda chymorth hyfforddiant ffurfiol gan gynnwys ardystiad cneifio defaid.
Ynghyd â ffermio, mae Efan hefyd yn aelod gweithgar yn ei gymuned leol, wedi iddo wirfoddoli gyda gwaith cadwraeth ar Ben y Gogarth a chynorthwyo digwyddiadau ymgysylltiad cyhoeddus a chodi arian. Mae hefyd yn chwarae rygbi ar ran Clwb Rygbi Nant Conwy, lle mae wedi datblygu sgiliau gweithio mewn tîm, gwytnwch a disgyblaeth.
Gan edrych tua’r dyfodol, nod Efan yw datblygu gyrfa lwyddiannus fel ffermwr da byw yng Nghymru, gan gyfuno cynhyrchiant bwyd effeithlon gyda stiwardiaeth amgylcheddol. Trwy Raglen yr Ifanc, mae’n awyddus i ehangu ar ei wybodaeth, datblygu ei hyder a dysgu o ystod eang o systemau ffermio a safbwyntiau o’r diwydiant.