Sioned Young

Mae Mwydro yn gwmni darlunio digidol wedi ei sylfaenu gan Sioned Young o Gaernarfon sy'n arbenigo mewn creu GIFs ar gyfer cyfryngau cymdeithasol. Mae gwaith Mwydro yn cynnwys dylunio GIFs i Fusnesau, arwain Gweithdai GIFs i Ysgolion, a chomisiynau dylunio. Mae Mwydro hefyd yn arwain gweithdai i fusnesau ar amrywiaeth o destunau gan gynnwys Meistroli Instagram a Canva, a'n gwerthu casgliad o gynnyrch cardiau a sticeri iaith Gymraeg.

Mae'r busnes yn gweithredu bron yn gyfan gwbl drwy'r iaith Gymraeg, ac mae GIFs Mwydro wedi eu gweld dros 250 miliwn o weithiau. Yn 2023 enillodd Sioned wobr Gweithiwr Llawrydd Ifanc y Flwyddyn yng ngwobrau IPSE yn Llundain.

Oeddwn yn gweithio mewn joban swyddfa a'n chwilio am rywbeth creadigol a hwyl i'w wneud gyda'r nosau, a thrwy gymorth Syniadau Mawr Cymru ges i help i droi'r hobi yno'n fusnes go iawn. Mynychais Bwtcamp i Fusnes Syniadau Mawr Cymru a thrwy hynny ges i'r hyder a'r sgiliau i fynd amdani.

Fi yw'r cyntaf o fy nheulu a chylch ffrindiau i gychwyn busnes, felly oeddwn i'n edrych allan at Modelau Rôl Syniadau Mawr Cymru ac enwogion fel ysbrydoliaeth. Mae'r perfformiwr Carrie Hope Fletcher yn ysbrydoliaeth i mi gan ei bod hi fel y fi'n entrepreneur sy'n gwneud sawl peth gwahanol, yn ei hachos hi mae hi'n gerddor, actores, awdur a'n seren YouTube.

Yn ystod y cyfnod clo fe ganslwyd fy holl ffeiriau grefftau felly oedd rhaid i mi feddwl yn greadigol ac arloesol a newid y busnes i oroesi. Yno darganfyddais bwlch yn y farchnad o ran creu GIFs a dydw i heb edrych yn ôl ers hynny.

Rwyf hefyd yn rhedeg y busnes yn rhan amser ynghyd a swydd arall, felly rydw i wedi gorfod gweithio'n galed a meistroli rheoli amser da i allu cael cydbwysedd da rhwng y ddau a bywyd personol hefyd.

Yn sicr y rhyddid i fod yn greadigol a chael chwarae o gwmpas gyda gwahanol syniadau. Tydi gwneud cartwnau a mwydro gyda phlant ddim yn teimlo fel gwaith, ond dyna beth yw'r peth gwych!