Yn Syniadau Mawr Cymru, rydym yma i ysbrydoli ac i gefnogi ysbryd entrepreneuraidd pobl ifanc ledled Cymru i archwilio, cychwyn a thyfu eu busnesau eu hunain. Fel rhan o Busnes Cymru, rydym yn cynnig cyngor arbenigol wedi’i ariannu’n llawn ac yn eich cysylltu â rhwydwaith ehangach o offer a chyfleoedd.
Mae Syniadau Mawr Cymru yn rhan o Warant Person Ifanc Llywodraeth Cymru.
Rydym yn ysbrydoli pobl ifanc drwy brofiadau ymarferol, gan weithio gyda cholegau, prifysgolion, grwpiau ieuenctid ac ysgolion i sbarduno uchelgais ac herio syniadau am entrepreneuriaeth.
Mae ein gweithdai deniadol, dan arweiniad Modelau Rôl entrepreneuraidd, yn helpu i ddatblygu’r sgiliau, y meddylfryd a’r hyder sydd eu hangen i gymryd y camau cyntaf i mewn i fyd busnes.
Pan fyddwch yn barod i symud ymlaen, mae ein Cynghorwyr Busnes yn cynnig cymorth ymarferol, un-i-un — o gynllunio a lansio eich syniad i’w dyfu yn eich blwyddyn gyntaf.
A thrwy ein partneriaeth gyda Gyrfaoedd Cymru, rydym yn dod â entrepreneuraeth i mewn i’r ystafell ddosbarth, gan helpu disgyblion i gysylltu dysgu â chyfleoedd go iawn a darganfod sut beth yw rhedeg busnes.
25 oed neu iau ac yn edrych am gyfeiriad newydd?
Os ydych chi’n 25 oed neu’n iau ac yn chwilio am gyfeiriad newydd, mae dolenni isod i ddigwyddiadau, podlediadau ac adeiladwyr syniadau i’w pori a dysgu mwy am beth mae’n ei olygu i fod yn entrepreneur."
Cychwynwch gyda ni a gweld pa gefnogaeth sydd gennym ar eich cyfer
Heb syniad ble i ddechrau? Mae'r Generadur Syniadau yn eich helpu i feddwl am eich hobïau, sgiliau a diddordebau i greu syniadau busnes defnyddiol.
Dysgu ar-lein wedi’i wneud yn syml i’ch helpu i gychwyn, rhedeg neu dyfu eich busnes.
Mae ein cynghorwyr yma i helpu. Cofrestrwch nawr i ddechrau.
Mae grant hyd at £2,000 ar gael i helpu pobl ifanc 16-24 oed sy’n byw yng Nghymru neu’n dychwelyd yma i ddod yn hunangyflogedig.
Gwrandewch a dysgwch gan arbenigwyr am frandio, cyllid, cyfraith a phopeth arall sydd ei angen i ddechrau busnes.
