Modelau rôl

Sam Cook

Tremio Ltd
Sam Cook
Sector:
Diwydiannau Creadigol
Rhanbarth:
Powys

Tremio LTD ydyn ni. Busnes fideograffeg teuluol wedi'i leoli yn y Canolbarth. Rydym yn ffilmio popeth o fideos marchnata corfforaethol, priodasau, twristiaeth a ffilmiau hyfforddi a llawer mwy! 

Pam ddechreuais i'r busnes? Roedd yn teimlo fel yr amser iawn i roi cynnig arni. Doeddwn i ddim yn teimlo'n fodlon yn fy 9-5 ac felly dyma feddwl, pam lai? 

Dechreuon ni'r busnes fel busnes dronau yn unig yn cynnig gwasanaethau dronau amrywiol, ond wrth i'r farchnad lenwi, fe wnaethom ddatblygu'r busnes a dechrau defnyddio fideo daear. Dyma ein bara menyn bellach gyda gwasanaethau drôn yn cyfateb i 20% o'r busnes.

Mae bob dydd yn ddiwrnod dysgu. Pan fyddwch chi'n rhedeg eich busnes eich hun mae angen i chi fod yn fedrus ym mhob agwedd, cyfrifeg, optimeiddio peiriannau chwilio, marchnata, dylunio gwefan, heb sôn am geisio dysgu a gwella'ch gwir fasnach!

Hefyd, dysgu i beidio â dangos eich teimladau. Dysgu bod yna fath beth â beirniadaeth adeiladol, ac os nad yw pobl yn hoff iawn o'r cynnwys rydych chi wedi'i roi at ei gilydd. Yna mae hynny'n iawn hefyd!

Ar wahân i'r cydbwysedd amlwg rhwng bywyd a gwaith, rwyf bob amser yn dweud mai'r peth gorau am fod yn fos arnoch chi'ch hun yw'r peth gwaethaf hefyd. Cyfrifoldeb. Os ydych chi'n gyfrifol am greu darn gwych o waith o'r dechrau a bod y cwsmer yn hapus a'u bod yn eich argymell i ffrind ac ati, dyna'r teimlad gorau. Fodd bynnag, os aiff rhywbeth o'i le a bod gennych gwsmer sy'n anhapus a chi sy'n gyfrifol, dyna’r teimlad gwaethaf hefyd!

Yn greadigol mae yna nifer o bobl sy'n fy ysbrydoli. Mewn ‘band un dyn’ ac yn y busnes creadigol mae’n rhaid i chi wisgo sawl het ac rydw i bob amser yn cael fy ysbrydoli gan y rhai sy’n gallu gwisgo’r hetiau hynny’n llwyddiannus. Rwyf hefyd wedi fy ysbrydoli gan y bobl hynny sy'n gallu cyflawni cydbwysedd da rhwng bywyd a gwaith. Rwy’n gredwr mawr, os ydych chi’n gweithio tan 3am ac yn aberthu amser gyda’ch teulu/anwyliaid ar gyfer gwaith yna rydych chi’n gwneud rhywbeth o’i le.

Find out more
Wefan : Tremio Ltd

Business Wales are in no way responsible for 3rd party content


Llinell Gymorth Busnes Cymru

03000 6 03000

Mae'r llinellau ar agor rhwng 10am a 4pm o ddydd Llun i ddydd Gwener.

Rydym yn croesawu galwadau'n Gymraeg.