Ryan Stephens

Mae Ryan yn Fentor Ffordd o Feddwl a Llesiant, yn Siaradwr sy’n Ysgogi ac yn sylfaenydd Wild Minds Gower (busnes llesiant) a The Wet Bandits (cymuned trochi yn y môr a llesiant). 

Mae Ryan wedi rhoi sgyrsiau a chynnal gweithdai i dros 40,000 o bobl hyd yma, wedi codi dros £30,000 ar gyfer amrywiol elusennau, wedi rhedeg dros 20 o farathonau a marathonau eithafol, ac wedi bod yn cymryd rhan mewn nofio gwyllt bob diwrnod am 1700 o ddyddiau ac yn dal i fod wrthi (dros 4 blynedd). 

Mae Ryan yn cynnig amrywiaeth o wasanaethau o hyfforddiant llesiant un wrth un a hyfforddiant ffordd o feddwl, siarad er mwyn ysgogi, gweithdai a hyfforddiant llesiant, rhaglenni datblygu ffordd o feddwl ar gyfer pobl ifanc, a thrwy ei fusnes, Wild Minds Gower, mae’n cynnig digwyddiadau lles cymdeithasol, dyddiau lles corfforaethol a gweithdai lles.

Nod Ryan yw grymuso pobl gyda’r adnoddau a’r strategaethau i fyw yn dda a chreu cymunedau gyda llesiant wrth wraidd eu gwaith. 

O dderbyn Gwobr Entrepreneur y Flwyddyn yn 2013, i sefydlu ei fusnes cyntaf (siop datŵs) yn 19 oed ac yn dilyn hynny cyrraedd isafbwynt yn ei fywyd a mynd i’r carchar yn 21, i ailadeiladu ei hun a sefydlu nifer o fusnesau eraill mewn amrywiol sectorau, yn cynnwys siop ddillad. Llwyddodd Ryan i ymdopi’n dda gyda’i brofiadau ac yn y diwedd bu’n cefnogi pobl gyda heriau iechyd meddwl a phroblemau gyda chamddefnyddio sylweddau, gan ddarganfod ei angerdd dros helpu pobl. 

Yn 2019, crëodd Ryan gymuned hunan ddatblygu cymdeithasol o’r enw Ideas & Beers gyda dau ffrind, a arweiniodd at ei sylweddoliad ei fod yn angerddol dros greu cymunedau a dod â phobl at ei gilydd. Yn dilyn o hyn, crëodd gymuned The Wet Bandits yn 2020 yn uchafbwynt cyfnod clo Covid-19, er mwyn cael pobl i fynd allan i ganol byd natur a gwneud pethau da ar gyfer eu llesiant drwy neidio i’r môr oer. 

Yn 2020, gadawodd Ryan ei swydd ym Mhrifysgol Abertawe er mwyn mynd yn gyfan gwbl hunangyflogedig, yn gwneud y gwaith mae’n ei wneud heddiw, moment o gymryd cam i’r gwyll, a oedd, fel mae’n digwydd yn un o’r penderfyniadau gorau mae wedi’i wneud erioed. 

Mae’r rhyddid o weithio i chi’ch hun yn brofiad heb ei ail, ond nid yw’n brofiad hawdd bob amser - mae rhedeg busnes yn gofyn am aberth personol a gwaith caled, a dyma pam mae dod o hyd i bethau rydych chi’n teimlo’n gyffrous ac angerddol amdanynt mor bwysig. 

Bydd gwneud pethau rydych chi’n eu mwynhauy, neu bod â chwilfrydedd gwirioneddol yn eu cylch yn eich galluogi i ddal ati er yr holl heriau, goresgyn rhwystrau sy’n codi ar y daith a chan wneud y cyfan gyda gwên ar eich wyneb.