Paul binning

Wedi treulio 20 mlynedd yn y byd masnachol, a 15 mlynedd yn y Bathdy Brenhinol, yn teithio i Lundain a thramor yn aml, roeddwn eisiau newid cyfeiriad, a phenderfynais fanteisio ar fy mhrofiad a chynnig cymorth i fusnesau llai ar hyd eu taith, yn cynnig cefnogaeth ar lefel gorfforaethol i BBaCHau.

Rwyf wedi bod ag ysbryd entrepreneuraidd erioed, ac roeddwn eisiau rhedeg fy musnes fy hun. Sefydlodd fy nhad ei fusnes yn 1968, ac mae’n galw heibio ambell ddiwrnod yr wythnos o hyd. Mae wedi bod yn rhywbeth rwyf wedi bod eisiau ei wneud erioed.

Mae’r newid wedi bod yn un cymdeithasol yn bennaf, yn symud o rolau prysur gyda thimau o bobl o’m cwmpas, i weithio ar fy mhen fy hun. Canfod ffyrdd o gymdeithasu a thaflu syniadau gydag eraill pan nad oes unrhyw gymheiriaid.

Mae gwerthu eich hun hefyd yn her wahanol i farchnata, ac mae angen dod i arfer gyda gwerthu busnes neu gynnyrch. Ond nid wyf wedi profi unrhyw broblemau mawr.

Rheoli eich amser eich hun. Gwneud yr hyn rydych chi eisiau ei wneud, pryd bynnag rydych chi eisiau ei wneud, a bod yn gyfrifol am eich tynged eich hun. Gallaf ddewis yr hyn rwyf eisiau parhau ei wneud, pa syniadau sydd werth eu datblygu, yn hytrach na bod â thasgau a phrosiectau gosodedig, a rhywun arall yn dweud wrthyf pryd sydd angen i mi fod yn lle.