Mandy Healey

Lansiwyd fy musnes hyfforddi a siarad ysbrydoledig, ‘Aspiration Station’, ym mis Mawrth 2022. Rydw i’n ‘unig-entrepreneur’ sy’n cynnig rhaglenni hyfforddi, sesiynau mentora neu sgyrsiau ar gyfer cyfarfodydd a digwyddiadau. Rydw i’n arbenigo mewn rheoli amser, cynhyrchiant a chydbwyso bywyd a gwaith, gan helpu gweithwyr proffesiynol prysur i arbed pum awr yr wythnos a lleihau straen.

Roeddwn yn un o sefydlwyr The Admiral Group ac yn rhan o’r tîm arwain, gydag adran a oedd yn cynnwys saith deg o staff, pedwar ar ddeg o gontractau cyflenwyr allanol ac amryfal brosiectau i’w rheoli.

Roedd y rôl yn brysur ac roeddwn i’n mwynhau hynny. Ond dysgu a datblygu oedd fy mhrif ddiddordeb bob amser. Yn syml, rydw i ar fy ngorau pan ydw i’n helpu pobl eraill i ffynnu. Tra’r oeddwn i’n addasu i reoli adran fawr a mesurau rheolaeth ariannol gartref yn ystod y pandemig, cefais achos i bryderu am fy iechyd. Ar ôl cael llawdriniaeth a thriniaeth, ac ar ôl dod ataf fy hun, penderfynais na fuaswn i’n edrych yn ôl ac y buaswn i’n gwneud yr hyn rydw i’n ei fwynhau fwyaf.

Fe wnaeth pawb a hyfforddais yn Admiral fy ysbrydoli, oherwydd gwelais yr effaith gadarnhaol a gefais nid yn unig ar eu gwaith ond ar eu bywyd teuluol, eu hiechyd a’u llesiant. Ar ben hynny, mae fy mam yn gymeriad cryf a gwydn a chefais fy magu ganddi i fod yn bositif, yn weithgar ac yn gymwynasgar, ac i ddilyn fy mreuddwydion.

Roedd lansio a rheoli busnes fel unig fasnachwr yn her, ond dysgais sgiliau newydd yn sydyn er mwyn helpu fy musnes i ffynnu.

Y peth gorau a wnes oedd ymuno â grwpiau rhwydweithio proffesiynol, lle rhannodd yr aelodau wybodaeth a chysylltiadau er mwyn arbed arian ac amser imi. Un o’r heriau mwyaf yw bod yn rhaid i chi wneud popeth i redeg y busnes a’r ffaith mai chi yw’r ‘cynnyrch’. Pan ydw i allan yn hyfforddi, rhaid imi ddelio ag archebion, anfonebau, galwadau ac e-byst, a diweddaru fy ngwybodaeth fy hun ar ôl i’r hyfforddiant ddod i ben. Fel arbenigwr ar reoli amser, rydw i’n defnyddio’r technegau a addysgaf i’m cleientiaid, ac mae hynny’n fy ngwneud yn hynod o effeithlon.

I mi, yr hyblygrwydd. Rydw i’n dewis beth i’w wneud, gyda phwy rydw i’n gweithio, a phryd. Nid wyf angen caniatâd i newid fy oriau neu fy niwrnodau gwaith. Gallaf fod wrth law i deulu a chyfeillion a gallaf arfer hunanofal, yn ogystal â gweithio’n ddigon caled i ennill cyflog da.

Y fantais allweddol o ran rhedeg fy musnes hyfforddi fy hun yw fy mod yn gwneud gwaith sydd wrth fy modd, yn ogystal â dysgu pethau newydd bob diwrnod.