Emma-Jane Williams

Yn Bee Green Pals, mae Emma yn trefnu gweithdai i ddysgwyr ac yn darparu cynlluniau gwersi addysgol a llyfrau sy'n ymdrin â phynciau fel ailgylchu, gwarchod bywyd gwyllt, a byw'n gynaliadwy.   Trwy Dark Green Consulting, mae Emma yn helpu sefydliadau i gyrraedd targedau cysylltiedig â'r hinsawdd gydag ymgynghoriaeth a hyfforddiant arbenigol. Fel cyd-sylfaenydd Core Impact Group, mae Emma yn arwain prosiectau cymdeithasol dylanwadol sy'n cryfhau cymunedau.

Rydw i'n falch o fod wedi bod yn Fodel Rôl Syniadau Mawr Cymru am dros ddeng mlynedd. Fy mhrif gymhelliant? Mae'n drueni nad oeddwn i'n gwybod fod cychwyn busnes yn opsiwn yn ystod dyddiau ysgol - mae'n llwybr y byddwn i wedi ei ddilyn yn llawer cynharach! Trwy Syniadau Mawr Cymru, rydw i'n anelu i rymuso pobl gyda'r ffordd o feddwl a'r sgiliau sydd eu hangen arnynt i droi rhywbeth maen nhw'n ei fwynhau yn fenter fwriadol.

Beth Rydw i'n ei Drafod:

• Y Cwestiwn Mawr - Pam?: Beth sy'n eich ysgogi chi i gychwyn rhywbeth newydd a chreu argraff.
• Cael yr hyn rydych chi'n chwilio amdano: Aros yn bositif ac yn wydn trwy gydol yr adegau anodd a rhwydd.
• Meddwl yn Wreiddiol: Sut i adnabod a defnyddio sgiliau unigryw y gall pawb eu rhoi ar waith mewn ffyrdd creadigol.
• Busnes i Bawb: Sut y gall unrhyw un ddod o hyd i’w lwybr mewn busnes, waeth beth fo'u cefndir a'u profiad.
• Cynnwys Pawb: Gwneud syniadau busnes yn gynhwysol ac yn hygyrch.
• O Fwynhad i Fusnes: Mynd ar ôl yr hyn rydych chi'n ei fwynhau a'i droi yn syniad busnes cynaliadwy.

Rydw i hefyd yn gyfarwyddwr gwirfoddol yn  Cambrian Aquatics, y pwll nofio lle dysgais nofio am  tro cyntaf. Rydw i'n gweithio'n galed i gadw'r ased gymunedol hon ar agor, sy’n cefnogi dros 14,000 o sesiynau nofio bob blwyddyn. Rydw i'n Ymddiriedolwr ar gyfer The Samara Trust a Multi Academy Trust yn Lloegr. 

Boed ar-lein neu wyneb yn wyneb, rydw i ar gael ar gyfer gweithdai, i helpu unigolion i ddatgloi eu potensial a rhoi arweiniad i sefydliadau er mwyn creu effaith ystyrlon.