Claire Garcia

Snapita – mae’r argraffwr hashnod byw yn cipio ac argraffu atgofion byw o unrhyw ddigwyddiad, o bobl ongl, yn wahanol i unrhyw fwth tynnu lluniau arferol. 

Gall defnyddwyr argraffu lluniau sydd wedi'u tynnu ar eu ffonau symudol yn syth bin, mewn unrhyw ddigwyddiad byw, ar ein hargraffiadau 6x4 drwy uwchlwytho’r lluniau ar Instagram neu Twitter gan ddefnyddio hashnod penodol. 

Gallwn hefyd gynnig adroddiadau byw ar gyfer unrhyw sefydliad sydd eisiau cadw llygad ar yr hashnod ar gyfryngau cymdeithasol.

Roedd hwn yn brosiect teuluol, a ddechreuodd wrth ddatrys problem i ni ein hunain. Mae nifer o aelodau o fy nheulu’n ymddiddori mewn teclynnau a thechnoleg newydd, ac yn mwynhau cipio atgofion. 

Roeddem eisiau creu rhywbeth hwyliog, heb orfod disgwyl yn hir mewn ciw, fel bwth tynnu lluniau traddodiadol, sy’n rhywbeth roeddem wedi’i brofi mewn parti un o’n ffrindiau. Ar ôl cynllunio ac ymgymryd ag ymchwil i’r farchnad, aethom ati i greu Snapita. 

Y genhedlaeth nesaf, ac esblygiad busnesau a’u llwyfannau marchnata. Mae’r cyfryngau cymdeithasol wedi cipio’r byd, ac un o amcanion Snapita oedd cynnig ffordd hwyliog a hwylus o roi hwb i farchnata cyfryngau cymdeithasol o fewn busnesau lleol. 

Mathau gwahanol/newydd o “fwths tynnu lluniau traddodiadol” yn cael eu cyflwyno i'r farchnad ar gyfer priodasau a phartïon llai. Er nad ydynt mewn cystadleuaeth uniongyrchol, maent yn adnabyddus, ac mae gan bobl ragdybiaeth o'r hyn y dylai bwth tynnu lluniau ei wneud. 

Mae pobl yn aml yn dod ataf yn meddwl ein bod fel y bwths tynnu lluniau eraill hynny, ac nid ydynt yn deall y cysyniad nes eu bod yn mynd ati i roi cynnig ar yr offer. 

Rheoli fy nyddiadur fy hun a chynhyrchu fy incwm fy hun. Rwy’n penderfynu pa mor aml rwyf eisiau gweithio, a faint sydd angen i mi ei weithio ar gyfer y bywyd sydd ei angen arnaf i a’m teulu. 

Rwyf hefyd wrth fy modd yn bod yn fos creadigol. Rwyf wrth fy modd yn cael gwneud y penderfyniadau i ehangu fy musnes, er mwyn ymgorffori strategaethau a syniadau newydd er mwyn addasu fy ngwasanaeth ar gyfer pob cleient, sy’n golygu bod y gwasanaeth yn hollol bwrpasol.