- Sector:
- Cyllid a Gwasanaethau Proffesiynol
- Rhanbarth:
- Abertawe
Mae gen i ddau fusnes ar hyn o bryd.
Sefydlwyd Business Partners ym 1994 ac mae'n darparu hyfforddiant a chymorth datblygu busnes. Rydym wedi darparu hyfforddiant arweinyddiaeth a rheolaeth i sefydliadau cleient yn y Deyrnas Unedig, Iwerddon, yr Iseldiroedd, yr Almaen, Twrci a'r Aifft.
Sefydlwyd CIOTEK Limited fel busnes ymgynghori yn 2003 i gynnal gwerthusiadau o brosiectau a ariennir gan yr UE a darparu cymorth ymgynghori i fusnesau twf. Ers y cychwyn, rydym wedi cefnogi mwy na 400 o fusnesau yng Nghymru gyda chynllunio busnes ac ariannol.
Roeddwn yn gyfranddaliwr 25% mewn busnes cyfrifiadurol a datblygu meddalwedd cychwynnol ym 1983 a lwyddodd i ennill buddsoddiad cyfalaf menter gan 3i plc (y cwmni Cyfalaf Mentro mwyaf yn y byd ar y pryd). Ym 1994 daeth cyfle i werthu fy nghyfranddaliadau a roddodd yr ysgogiad a'r sicrwydd i ddechrau fy musnes fy hun. Ym 1995 arweiniais dîm a brynodd y cwmni cyfan yn ôl a'i ail-lansio. Cynhaliais y busnes hwn ochr yn ochr â Business Partners, gan werthu fy nghyfranddaliadau i’r cyfarwyddwyr eraill ym 1999.
Ar ôl gweld eraill yn lleol a oedd yn rhedeg eu gweithrediadau eu hunain yn llwyddiannus, cefais fy ysbrydoli gan yr her o redeg fy musnes fy hun. Ers hynny rwyf wedi bod yn gyfarwyddwr mewn 14 o wahanol fusnesau.
Fel entrepreneur nid wyf yn gweld problemau. Rwy’n gweld heriau sydd yno i’w goresgyn. Yr unig her nodedig a wynebais oedd gorfod delio â pherson yr oeddwn yn ymddiried ynddo ac yn credu a oedd yn dal yr un safonau moesegol ag yr oeddwn i.