Caitlin Williams

Rwy’n ddarlunydd llawrydd o dan yr enw “w0bblybits”. Rwy’n creu gwaith celf sy’n ysbrydoli menywod a merched ifanc i fod yn nhw eu hunain go iawn. Rwy’n creu gwaith sy’n ymwneud â’r diwydiant harddwch ac yn chwalu mythau ynghylch iechyd menywod. Rwyf wedi datblygu hyn yn weithdai gyda myfyrwyr prifysgol er mwyn iddynt greu celf am eu cyrff a'r pŵer sydd ganddynt. Rwy’n mynychu ffeiriau crefft/marchnadoedd celf yn rheolaidd i werthu fy ngwaith ochr yn ochr â’m gwefan ac rwyf wedi gweithio gyda chleientiaid fel orielau TATE i greu darluniau ar gyfer eu tudalennau cyfryngau cymdeithasol.

Rwyf bob amser wedi bod yn angerddol am waith celf a sylwais drwy gydol fy nghyfnod yn y Brifysgol fy mod yn cael fy nenu at ffeministiaeth fel pwnc. Dechreuais edrych ar gelf fel actifiaeth ac roeddwn i’n gwybod fy mod i eisiau defnyddio fy nhalentau at bwrpas amgenach. Rwy’n credu bod gen i lais a neges gref sy’n cael eu cyfleu drwy fy ngwaith.

Rwy’n cael fy ysbrydoli gan lawer o artistiaid ffeministaidd ac awduron fel The Guerrilla Girls, Tracey Erin, Florence Dive a Dr Jen Gunter. Mae gan bob un ohonynt leisiau/negeseuon pwerus ac nid oes arnynt ofn rhoi eu hunain allan yno.

Rydw i wrth fy modd yn gallu cynllunio beth rydw i’n ei wneud a beth rydw i’n ei greu, a does dim rhaid i mi fod yn atebol i rywun arall. Rydw i’n teimlo bod y posibiliadau’n ddiddiwedd ac mae gen i gymaint o syniadau rydw i eisiau eu creu ar unwaith! Rydw i’n teimlo’n hynod o ffodus i allu dilyn fy niddordeb a hyd yn oed wrth fy modd â’r tasgau “diflas” fel cadw cofnodion a ffurflenni treth oherwydd fy mod i’n gwneud hynny ar gyfer swydd rydw i wedi bod ei heisiau ers cymaint o amser.