Austin Walters

Mae gen i nifer o fusnesau mewn gwahanol sectorau, o Drawsnewid ac Ansolfedd Busnes, i Ofal Cartref, Lletygarwch a Thechnoleg.

Roedd gen i ddiddordeb mewn busnes a mentro ers pan oeddwn yn ifanc.  Pan oeddwn yn tyfu i fyny, roeddwn bob amser yn cadw llygad am gyfleoedd busnes a gwneud arian.  Gan ddechrau fy musnes cyntaf yn 13 oed, es ati i fridio a gwerthu jerbilod.

Yn ystod fy 30+ mlynedd o fod mewn busnes o fewn gwahanol sectorau, dwi wedi wynebu llawer o heriau, yn cynnwys dirwasgiad, Brexit, Covid ymhlith eraill.  Mae heriau eraill fel salwch hirdymor, iechyd meddwl, magu teulu, yn ogystal â heriau penodol i ddiwydiant sy'n gysylltiedig â recriwtio a gofynion newidiol, i gyd wedi galw am lefel uchel o wytnwch a rhwydwaith da o ffrindiau ac arbenigwyr i alw arnynt pan fo angen.

Fel llawer o berchnogion busnes ac entrepreneuriaid yr un oed â mi, Richard Branson yw'r un a wnaeth fy ysbrydoli i yn y lle cyntaf. Serch hynny, dros y blynyddoedd, mae llawer o rai eraill sydd ddim mor enwog wedi fy ysbrydoli.  Mae'r bobl hyn i gyd wedi dylanwadu ar fy siwrnai un ffordd neu'r llall, ac yn anffodus mae rhai ohonynt wedi'n gadael ni erbyn hyn ond byddaf yn meddwl amdanynt yn aml.

Dwi'n aml yn dweud bod hwn yn gwestiwn sy'n cael ei ofyn gan rywun "sydd erioed wedi rhedeg busnes ei hun" oherwydd mewn gwirionedd pan wyt ti'n gweithio i ti dy hun, mae gen ti sawl meistr. (Cwsmeriaid, Cyflenwyr, y Llywodraeth, ac ati). Yn lle bod yn atebol i un person, rwyt ti nawr yn atebol i sawl un.  Hawdd yw meddwl bod perchnogion busnes yn gallu cymryd diwrnod i ffwrdd pryd bynnag maen nhw ffansi, neu'n hwylio o gwmpas y byd ar eu llong foethus, ond mae'r realiti yn dra gwahanol.  Er hyn oll, i ateb y cwestiwn yma yn ôl y bwriad - y peth gorau am redeg dy fusnes dy hun yw mai ti sy'n gyfrifol am bob penderfyniad sy'n cael ei wneud (yn dda neu'n ddrwg).