Modelau rôl

Andrew Minton

Hangry Animals Ltd
Andrew Minton
Sector:
Information Communication Technology (ICT)
Rhanbarth:
Caerffili

Roeddwn eisiau dilyn fy angerdd dros greu gemau ac animeiddio ochr yn ochr â’r angen i roi rhywbeth yn ôl i achosion da’n ymwneud â lles anifeiliaid. Nid oes gan anifeiliaid lais, ac yn fy nhyb i mae gennym gyfrifoldeb i helpu’r rhai na allant eu helpu eu hunain. Felly, mae denu cynulleidfaoedd newydd at hen fodelau cyfrannu wedi sbarduno newid i mi/ni yn Hangry Animals.

Gyda llaw, y peth a ysgogodd hyn i gyd oedd defnyddio’r celfyddydau fel math o therapi ar ôl cyfnod llawn straen yn fy ngyrfa. Creu bydoedd ffug yn llawn bodau hybrid dynol a’u hanturiaethau – dyna oedd man cychwyn hyn i gyd.

Teenage Mutant Hero Turtles, Batman, Transformers, He-Man, Rick and Morty, Invincible ac ati. Fe wnaeth Cartwnau a Llyfrau Comics fy ysbrydoli i greu bydoedd lle’r oedd fy nghreadigaethau’n bodoli mewn ffordd debyg i’r teitlau uchod. Hefyd, mae hanes yr henfyd a chynhanes mewn perthynas â rhywogaethau ag amnesia, llifogydd mawr ac aliwns yn fy ysbrydoli! Rydw i’n hoff iawn o gynllwynion yn ymwneud ag aliwns. Hyn i gyd ochr yn ochr â thrychinebau naturiol, newid hinsawdd a thrafferthion popeth byw yn y bydysawd. Trwy gymysgu’r pethau hyn i gyd er mwyn codi ymwybyddiaeth o ddinistrio cynefinoedd, lles a phroblemau cymdeithasol, cafodd Hangry Animals ei eni.

Cefais fy niagnosio ag ADHD yn eithaf hwyr. Rydw i wedi cael anawsterau gyda swyddi 9 tan 5 o flaen desg drwy gydol fy oes; ond gan fod yn rhaid imi ennill bywoliaeth a llwyddo, cefais fy ngorfodi i wneud pethau nad oeddynt yn cyd-fynd gyda fy etheg gweithio na chyda fy amserlen, a doeddwn i ddim yn gwybod pam tan 2023, pan gefais fy niagnosio ag ADHD gorfywiogrwydd a diffyg canolbwyntio… y math gorau hah. Ond yn ddiarwybod, mae hyn wedi fy ngalluogi i ddysgu sgiliau newydd yn gyflym, yn ogystal ag addasu i sefyllfaoedd a rhwystrau mewn ffordd ryfeddol o ddigynnwrf. Hefyd, mae wedi fy nysgu pa mor werthfawr yw credu yn fy ngalluoedd. Mae goresgyn y stigma a cheisio cuddio’r nodweddion hyn, YN OGYSTAL â llwyddo mewn busnes, wedi golygu ymdrech enfawr i ddod o hyd i’r cydbwysedd iawn – ar draul fy iechyd corfforol a’m hiechyd meddwl. Ond nawr, rydw i’n ffynnu ac yn creu cynhyrchion cŵl sydd fel pe baent yn taro tant gyda phobl.

Meysydd arbenigedd 

Animeiddio, Gwneud Lluniau, Modelu 3D, Cerflunio, Gwneud Pypedau a Pherfformio gyda Phypedau, Effeithiau Gweledol, Golygu, Codio ar gyfer y we, Dylunio ac Adeiladu Apiau, Datblygu a Chodio Gemau, Siarad Cyhoeddus, Cyfarwyddo Creadigol, Cyfarwyddo Celfyddydol, Dylunio, Golchi Llestri.

Find out more
Wefan : Hangry Animals

Business Wales are in no way responsible for 3rd party content


Llinell Gymorth Busnes Cymru

03000 6 03000

Mae'r llinellau ar agor rhwng 10am a 4pm o ddydd Llun i ddydd Gwener.

Rydym yn croesawu galwadau'n Gymraeg.