Andrew Jenkins

Enw fy musnes yw ‘Strength in You Ltd’. Y rheswm dros roi’r enw hwnnw iddo yw fy mod i wir yn credu bod gan bawb y cryfder ynddynt i gyflawni pethau gwych. Rhaid i bobl ddod o hyd i’w ‘pam’ neu ‘bwrpas’ a chredu ynddynt eu hunain. Mae’r busnes yn ymwneud ag iechyd corfforol a meddyliol gan fod y rhain yn mynd law yn llaw.

Dechreuais y busnes ar ôl dioddef trallod personol a brwydro gyda fy iechyd meddwl fy hun am dros 20 mlynedd. Rwyf wedi goresgyn cymaint o heriau drwy weithio'n galed, astudio a chredu ynof fy hun. Rwy’n frwd iawn dros gymell ac ysbrydoli pobl drwy ddangos iddynt eu bod yn dal yn gallu cyflawni pethau gwych mewn bywyd hyd yn oed ar ôl wynebu adfyd. 

Y prif beth oedd cwrdd â’r Meddyg a achubodd fy mywyd yn 2022. Dywedodd wrthyf fy mod yn glaf gwyrthiol ac y dylwn fod wedi marw ar sawl achlysur. Dywedodd y dylwn i siarad â phobl a’u hysbrydoli gyda fy stori. Gwnaeth i mi werthfawrogi bywyd yn fwy, a nawr rwyf eisiau rhoi rhywbeth yn ôl i eraill ar ôl cael ail gyfle mewn bywyd.

Rwyf wedi goresgyn llawer o heriau yn fy mywyd, yn enwedig ar ôl fy namwain pryd y dywedwyd wrthyf na fyddwn byth yn cerdded eto. Fe wnes i brofi bod y Meddygon yn anghywir a dysgu cerdded eto mewn pythefnos. Roeddwn i hefyd wedi cael trafferth gyda fy iechyd meddwl am dros 20 mlynedd. Rydw i wedi wynebu llawer o rwystrau ac mae pobl wedi dweud wrthyf nad ydw i’n gallu gwneud pethau, ond rydw i wedi profi eu bod nhw i gyd yn anghywir. Rwy’n bersonol yn meddwl y byddwn i’n esiampl rhagorol i entrepreneuriaid ifanc gan y byddaf yn gallu eu hysbrydoli, eu cymell a gwneud iddynt gredu bod unrhyw beth yn bosibl. Yn fy sgyrsiau, rwy’n siarad am fod yn driw i chi eich hun a dilyn eich breuddwydion, nid breuddwydion pobl eraill, i gael eich derbyn mewn cymdeithas yn unig. Hefyd, nid yw methiant yn beth drwg, mae’r 2 faes hyn yn hanfodol i bobl sy’n sefydlu busnes newydd.

Rydw i’n gallu gwneud y pethau sy’n llenwi fy nghalon a fy enaid, gan roi rhywbeth yn ôl a chymell eraill. Rwy’n strwythuro fy wythnos i gynnwys y pethau sy’n bwysig i mi, felly mae gen i gydbwysedd da rhwng bywyd a gwaith. Fi hefyd yw meistr fy nhynged fy hun, po galetaf rwy'n gweithio, y mwyaf llwyddiannus yr ydw i.