Abi Owens

Y Goodness Guide, yw fy nhrydedd fenter a’r mwyaf diweddar a lansiwyd yn 2022, sy’n cyfuno maetheg arloesol â gofal personol. Mae’r platfform yn un pwrpasol ar gyfer grymuso unigolion i fod yn gyfrifol am eu hiechyd trwy strategaethau pwrpasol sy'n targedu gwraidd eu problemau. Trwy integreiddio profion swyddogaethol gydag ymagwedd gyfannol, naturopathig, rwy'n cefnogi cleientiaid i drawsnewid eu lles a chael gwelliannau parhaol. Ymysg fy nghleientiaid mae seren  Strictly Come Dancing Amy Dowden, y mae ei chynllun maeth personol wedi helpu i leihau a rheoli ei symptomau clefyd Crohn yn llwyddiannus, gan ei galluogi i wella a dychwelyd i ystafell ddawnsio Strictly.

Yn 18 oed, mi wnes i gychwyn fy musnes cyntaf- ysgol ddawnsio leol. O gychwyn cyntaf fy nhaith fel entrepreneur, fe wnes i ddarganfod cymaint yr oeddwn yn mwynhau bod yn fos arnaf fy hun a gwneud penderfyniadau allweddol. Roeddwn yn mwynhau’r rhyddid o gael creu rhywbeth o’m mhen a’m mhastwn fy hun a’i siapio gyda’m gweledigaeth fy hun.

Un o fy heriau mwyaf oedd cael diagnosis o ME/CFS yn 2012, cyflwr a effeithiodd yn sylweddol ar fy mywyd a fy ngyrfa. Pan nad oedd meddygaeth gonfensiynol yn cynnig unrhyw atebion, troais at therapïau amgen a meddygaeth swyddogaethol. Fe wnaeth gwella fy hun arwain at ddatblygu fy nhrydydd cwmni, The Goodness Guide. 

Her arall oedd pontio i ddiwydiant newydd - o fyd adloniant gyda fy asiantaeth adloniant MishMash Management i'r diwydiant iechyd a lles sydd yr un mor heriol.

I mi, y rhan gorau o fod yn fos arnaf fy hun yw’r rhyddid i ddilyn yr hyn yr wyf yn angerddol amdano a chreu busnesau sy’n adlewyrchu fy ngwerthoedd. O fy ysgol ddawns yn 18 oed i MishMash Management a nawr The Goodness Guide, mae pob menter wedi caniatáu i mi arloesi, cysylltu â phobl, a chael effaith sylweddol ar fywydau pobl.