Gweithgaredd 2: Beth allwn ni ei wneud?

Amcan Dysgu 

Creu syniadau ar gyfer prosiect menter. 

Nodweddion Entrepreneuriaeth 

Creadigedd 

• Datrys problemau 
• Meddwl dargyfeiriol – creu syniadau 
• Arloesi 

Cysylltiadau

•  Trafod, darbwyllo a dylanwadu 

Trefniadaeth 

• Gwneud penderfyniadau 

Eglurwch wrth y dosbarth eu bod yn mynd i gymryd rhan mewn prosiect sef Y Criw Mentrus a chael cyfle i fod yn ‘entrepreneuriaid’ go iawn. 

Cyflwynwch y dosbarth i’r Criw Mentrus: Amy (ar gyfer agwedd), Rhian (ar gyfer cysylltiadau) Callum (ar gyfer creadigedd) ac Owain (ar gyfer trefniadaeth). 

Eglurwch eu bod yn cael cyfle i gymryd rhan yn her Y Criw Mentrus h.y meddwl am brosiect menter i ateb gofynion yn yr ysgol neu’r gymuned . 

Gan ddefnyddio syniadau o blith y galwedigaethau a nodwyd yng ngweithgaredd 1, anogwch y disgyblion i feddwl am syniadau am gynnyrch y gallent ei wneud neu wasanaeth y gallent ei ddarparu. Gallai hyn fod yn gysylltiedig â digwyddiad priodol yng nghalendr yr ysgol. Gofynnwch i’r disgyblion ystyried. 

• “Pa ddigwyddiadau sydd ar ddod?” e.e. Nos Galan Gaeaf, ffair Nadolig. 
• “Beth ydyn ni’n ei wneud yn dda?” 
• “Sut allwn ni ddefnyddio’n sgiliau?” 
• “Beth fuasai pobl yn hoffi ei brynu?” 

Gan weithio mewn grwpiau, gofynnwch i’r disgyblion feddwl am eu syniadau am gynnyrch neu wasanaeth. Cyn iddynt ddechrau creu syniadau, atgoffwch y disgyblion fod pob syniad yn dda, gorau pa mor greadigol y gallant fod. Efallai y byddant yn cyfuno syniadau yn y pen draw. 

Cofnodwch hoff syniad pob grwˆp a’u harddangos yn y dosbarth.

Gofynnwch i’r plant feddwl am a thrafod y syniadau cyn cytuno yn ddemocrataidd ar eu hoff syniad. 

Mae pob grwp o ddisgyblion yn cyflwyno eu syniad gorau i weddill y dosbarth gan roi’r rhesymau dros eu dewis. Oherwydd bod hwn yn gyfle da ar gyfer asesiad cymheiriaid gofynnwch i ddisgyblion eraill roi adborth adeiladol. 

Cynhaliwch bleidlais i gyrraedd penderfyniad y dosbarth am y cynnyrch / gwasanaeth gorau. 

Canlyniad dysgu 

Mae’r disgyblion yn gallu gweithio gydag eraill i greu amrediad o syniadau syml ar gyfer prosiect menter. 

Adnoddau sydd eu hangen 

• Bwrdd gwyn rhyngweithiol 
• Calendr ysgol 

Cwricwlwm ar gyfer Cymru 

1. Meysydd Dysgu a Phrofiad 

Iechyd a lles 

• Mae ein penderfyniadau yn effeithio ar ansawdd ein bywydau a bywydau eraill. 

Gwyddoniaeth a Thechnoleg 

• Mae syniadau dylunio a pheirianneg yn cynnig ffyrdd technegol a chreadigol i ateb gofynion ac anghenion cymdeithas. 

2. Sgiliau Trawsgwricwlaidd 

Llythrennedd 

Siarad 

• Eglurder a geirfa 
• Diben 
• Ymddiddan cydweithredol 
• Cwestiynu 

Gwrando 

• Gwrando ar gyfer ystyr 
• Gwrando ar gyfer deall 
• Gwrnado fel rhan o ymddiddan cydweithredol