Troseddwyr

Mae Llywodraeth Cymru, mewn cydweithrediad â Gwasanaeth Carchardai a Phrawf Ei Fawrhydi yng Nghymru, yn cynnig darpariaeth dysgu a sgiliau o ansawdd uchel i garcharorion yng Nghymru. Mae hyn yn canolbwyntio ar gyflogadwyedd, sy'n cynyddu eu siawns o ddod o hyd i gyflogaeth gynaliadwy ar ôl cael eu rhyddhau.

• Manteisiwch ar y sgiliau y mae'r unigolion hyn wedi'u meithrin drwy gydol eu bywydau ac yn y carchar.
• Os oes angen sgiliau penodol ar eich busnes, siaradwch â'ch Cynghorydd Busnes Cymru ynghylch datblygu'r sylfaen sgiliau o fewn poblogaeth y carchardai.

Mae'r ystadegau presennol yn dangos mai lleiafrif bach o garcharorion yn unig sy'n cael gwaith o fewn blwyddyn i'w rhyddhau, er eu bod yn gymwys ac yn fedrus iawn. Mae llawer o gyflogwyr yn dechrau cydnabod manteision cyflogi cyn-droseddwyr

• Lleihau costau recriwtio
• Cynyddu cyfraddau cadw staff
• Lleihau cyfraddau absenoldeb staff
• Datrys problem prinder sgiliau
• Mwy o amrywiaeth yn eich gweithlu
• Gwneud gwahaniaeth go iawn

Drwy gyflogi cyn-droseddwyr, byddwch chi a'ch busnes yn ymuno â chwmnïau arloesol fel Timpsons a Halfords ac yn annog a chefnogi eraill i wneud yr un peth. 

Os hoffech gael rhagor o wybodaeth am sut y gallwn eich helpu i recriwtio ymgeiswyr rhagorol i dyfu eich busnes, cysylltwch â PolisiDysguTroseddwyr@llyw.cymru  

Gallwch ddarllen am weledigaeth Llywodraeth Cymru ar gyfer dysgu a darparu sgiliau yn ein polisi, Gwell Dysgu, Gwell Cyfleoedd - Darpariaeth Dysgu a Sgiliau Carchardai yng Nghymru .