Mae Grant Trawsnewid Trefi Llywodraeth Cymru wedi cael ei estyn am ddwy flynedd arall, gyda chyllid sylweddol gwerth £26 miliwn ar gael i gefnogi canol trefi ledled Cymru.
Cyflwynwyd y Grant Creu Lleoedd Trawsnewid Trefi ym mis Mawrth 2021 i gyfuno nifer o grantiau adfywio llai yn un rhaglen grant cyfalaf symlach.
Mae'n cefnogi amrediad eang o ymyriadau fel gwella eiddo masnachol, rhagor o fannau i fyw ynddyn nhw yng nghanol y dref a mannau cyhoeddus o ansawdd gwell. Bydd hefyd yn cefnogi gwneud canol ein trefi'n fwy gwyrdd ynghyd â chyfleusterau hamdden newydd fel parciau bach a mannau chwarae.
Mae'r grant uchaf sydd ar gael fesul cais wedi cynyddu o £250,000 i £300,000 fesul, gan ddarparu rhagor o gymorth i brosiectau Creu Lleoedd unigol.
Gall prosiectau gael eu cyflawni gan awdurdodau lleol eu hunain, neu gan drydydd partïon fel cynghorau tref, Ardaloedd Gwella Busnes, sefydliadau ac unigolion yn y trydydd sector a'r sector preifat. Mae ceisiadau'n cael eu blaenoriaethu a'u prosesu gan awdurdodau lleol.
Am ragor o wybodaeth, dewiswch y dolenni canlynol.