Bydd cynhyrchion fêp untro yn cael eu gwahardd rhag cael eu gwerthu ledled y DU o 1 Mehefin 2025.
Mae fêps untro yn aml yn troi’n sbwriel neu’n mynd i dirlenwi. Bydd gwaharddiad yn stopio’r niwed maen nhw’n achosi i’r amgylchedd.
Dylai busnesau dechrau newid i gynhyrchion y gellir eu hailddefnyddio, yn barod ar gyfer y gwaharddiad.
Mae Llywodraeth Cymru wedi ysgrifennu at fanwerthwyr bach a chanolig ledled Cymru y nodwyd eu bod yn gwerthu neu’n cyflenwi fêps untro, ond mae’r gwaharddiad yn berthnasol i unrhywun sy’n gwerthu fêps untro ledled y DU.
Pan ddaw'r gwaharddiad i rym, bydd yn rhaid i fusnesau:
- roi'r gorau i werthu cynhyrchion fepio untro i gwsmeriaid neu fusnesau eraill.
- rhoi'r gorau i brynu cynhyrchion fepio untro oddi wrth gyfanwerthwyr.
- dweud wrth eu staff a chwsmeriaid am y newidiadau hynny.
Dylai unrhyw un y bydd dal ganddynt gynhyrchion gwaharddedig siarad â chyflenwyr neu gwmnïau gwaredu ynghylch sut i'w hailgylchu'n ddiogel ac yn gyfreithlon, ar ôl 1 Mehefin.
Bydd methu ag ailgylchu stociau fêps untro ar ôl 1 Mehefin yn rhoi eich busnes mewn perygl o golledion masnachol a chamau gorfodi cyfreithiol.
Ni ellir rhoi fêps untro yng ngwastraff y cartref a rhaid eu gwaredu'n ddiogel mewn canolfannau ailgylchu gwastraff y cartref, neu gwmnïau gwaredu. Y rheswm dros hynny yw bod risg iddyn nhw, a deunyddiau cymysg, gan gynnwys batris, metel a phlastig, fynd ar dân.
Am ragor o wybodaeth ewch i'r ddolen ganlynol: Y gwaharddiad ar fêps untro: canllawiau ar gyfer busnesau | LLYW.CYMRU neu ebostiwch leq@llyw.cymru