Llansannan, Conwy
Mae Efa Gwilym Williams yn 19 mlwydd oed ac yn hanu o Lansannan, Conwy. Cwblhaodd ei hastudiaethau yng Ngholeg Glynllifon yn ddiweddar, ac mae hi bellach yn cyfuno gwaith rhan amser gyda phrofiad ymarferol ar y fferm deuluol sy’n cadw bîff a defaid. O ganlyniad i’w magwraeth mewn amgylchedd ffermio aml-genhedlaeth, mae hi wedi datblygu dealltwriaeth gref o systemau da byw ochr yn ochr ag arallgyfeirio ar ffurf llety gwyliau, cynhyrchu wyau a gwerthu mêl.
Mae Efa wedi magu ystod eang o brofiad ymarferol a phroffesiynol, gan gynnwys ŵyna ar unedau defaid ar raddfa fawr, godro ar ffermydd llaeth, a gweithio’n annibynnol i gasglu samplau pridd a chynhyrchu adroddiadau tir. Mae ei gwaith ar draws rolau sy’n wynebu cwsmeriaid, gan gynnwys gwerthu bwyd mewn digwyddiadau amaethyddol mawr a lleoliadau lletygarwch, hefyd wedi atgyfnerthu ei sgiliau cyfathrebu ac ymdrin â phobl.
Fel aelod gweithgar o’r Ffermwyr Ifanc, mae Efa wedi ymrwymo i gynorthwyo ei chymuned leol ac ymgysylltu gyda’r sector amaeth ehangach. Mae ganddi ddiddordeb brwd mewn arallgyfeirio a datblygu ffrydiau incwm ochr yn ochr â gweithgareddau ffermio craidd.
Gan edrych tua’r dyfodol, mae Efa yn bwriadu sefydlu ei busnes hunangyflogedig ei hun ochr yn ochr â ffermio, gydag uchelgais i redeg ei menter bîff a defaid ei hun yn y dyfodol. Trwy Raglen yr Ifanc, mae’n awyddus i archwilio syniadau newydd, datblygu ei sgiliau a chasglu gwybodaeth a fydd yn ei helpu i greu gyrfa gynaliadwy a llwyddiannus ym myd amaeth.