Mae angen creu mentrau ar gyfer pob sector a restrir gyda Thaliadau Gwledig Cymru (RPW).
Efallai bod gennych fwy nag un fenter fesul sector, er enghraifft os oes gennych fwy nag un amrywiaeth o gnydau, os oes gennych fuches fasnachol a phedigri, neu os oes gennych 2 fuches laeth gyda phatrymau lloia gwahanol. Mae creu eich mentrau eich hun yn caniatáu i chi bersonoli'r adnodd i gyd-fynd â'r systemau ar eich fferm.
Ar ôl i chi fewngofnodi a dewis enw'r CRN/Fferm yr hoffech ddechrau meincnodi arni, gallwch greu mentrau drwy glicio'r botwm '+ Ychwanegu Menter' ar y Dangosfwrdd.


Os nad yw sector sydd ei angen arnoch wedi'i restru mewn print trwm yn y ddewislen, bydd angen i chi adolygu'r sectorau rydych chi wedi'u dewis yn RPW Ar-lein.
Sylwer - ar ôl i chi ychwanegu data at ddangosyddion perfformiad allweddol o fewn menter, ni allwch olygu na dileu'r fenter hon. Bydd yn aros o dan y fferm hyd y gellir ei ragweld er mwyn caniatáu i ddangosyddion perfformiad allweddol gael eu cymharu am fwy nag un flwyddyn. Felly, gwnewch yn siŵr eich bod yn defnyddio'r gosodiad cywir ar gyfer eich menter i ddechrau.
Dewiswch Sector ar gyfer cymorth wedi'i deilwra:
Dylech greu menter ar gyfer pob cnwd gwahanol a dyfir ar y fferm e.e. gwenith y gaeaf, haidd y gwanwyn, neu datws.
- Dewiswch - Tir Âr o'r rhestr o sectorau
- Dewiswch eich math o System
- Dewiswch eich math o Fenter
- Dewiswch eich amser plannu os yw'n berthnasol
- Yna enwch y fenter, gan ddewis rhywbeth sy'n dynodi'r fenter yn glir e.e. gwenith y gaeaf neu geirch y gwanwyn
Gallwch greu cynifer o fentrau ag sy'n addas i'ch busnes, os oes gennych fuches Bedigri a buches Fasnachol a'u bod yn cael eu rheoli'n wahanol, yna mae'n synhwyrol creu mentrau ar wahân i ganiatáu meincnodi yn unigol.
- Dewiswch bîff o'r rhestr o sectorau
- Dewiswch y math o dir sydd fwyaf priodol i'r fenter benodol
- Dewiswch y math o system
- Dewiswch y math o fenter
- Ar gyfer Buchod Sugno a Gwartheg Stôr, dewiswch y math o frid
Ar gyfer Buchod Sugno a gwartheg sy’n cael eu pesgi, bydd angen i chi ddewis y math o besgi a'r math o frid. Ar gyfer pesgi gwartheg bîff, bydd angen i chi ddewis y math o besgi a'r math o frid. Mae'r dewis o frid ychydig yn wahanol ar gyfer yr anifeiliaid hyn, gan ein bod wedi grwpio'r bridiau sy'n tueddu i gael eu rheoli a pherfformio'n debyg
Dewiswch y math o frid sy'n ddominyddol yn y fuches, neu sefydlwch fenter ar wahân os yw'r bridiau'n cael eu rheoli'n wahanol - Yna enwch y fenter, gan ddewis rhywbeth sy'n diffinio'r fenter yn glir e.e. Gwartheg Sugno'r hydref
Creu menter sy'n cyd-fynd â'ch busnes. Os oes gennych fwy nag un fuches rydych chi'n ei rheoli ar wahân, yna efallai yr hoffech chi greu mwy nag un fenter o fewn yr adnodd, fel y gallwch chi eu meincnodi ar wahân.
- Dewiswch Llaeth o'r rhestr o sectorau
- Dewiswch y math o Dir
- Dewiswch y math o System
- Dewiswch y math o Fenter
- Ar gyfer Buchod, dewiswch y math o loia - os nad oes gennych floc tynn wrth loia, rydym yn awgrymu eich bod yn dosbarthu'r fuches fel buches sy’n lloia drwy’r flwyddyn (AYR).
- Rhowch enw addas ar y fenter, fel os oes gennych fwy nag un fuches, y gallwch wahaniaethu rhyngddynt yn hawdd e.e. buchod sy’n lloia drwy’r flwyddyn neu fuchod sy’n lloia yn y gwanwyn.
Gallwch greu mwy nag un fenter Arddwriaeth os oes angen i chi feincnodi eich cynhyrchiad yn ôl y gwahanol opsiynau.
- Dewiswch Arddwriaeth o'r rhestr o sectorau
- Dewiswch y math o System
- Dewiswch y math o Fenter
- Rhowch enw ar y fenter yn ôl y gosodiad a ddewiswyd, fel y gallwch nodi pob menter yn glir e.e. cynnyrch bocs llysiau bwytadwy
Gallwch greu mwy nag un fenter a allai gynnwys lle mae gennych lwyth o Foch Pesgi, ac eisiau meincnodi pob llwyth ar wahân.
- Dewiswch - Moch o'r rhestr o sectorau
- Dewiswch y math o Fenter
- Dewiswch y math o Loches
- Dewiswch y math o Frîd
- Os oes gennych Foch Bridio, dewiswch bwysau diddyfnu eich moch bach
- Rhowch enw ar y fenter, os oes gennych fwy nag un llwyth neu genfaint o foch bridio, dylech gynnwys enw sy'n eich galluogi i nodi’r grwpiau'n hawdd e.e. Moch sy’n cael eu pesgi ddechrau mis Chwefror 2026
Mae ieir dodwy a brwyliaid yn cael eu trin yn wahanol.
Gellir creu eich menter ieir dodwy yn yr un modd â gweddill y sectorau, gweler isod.
Am gymorth penodol ar sefydlu eich menter frwyliaid dilynwch y canllaw dofednod-brwyliaid ar wahân hwn
Ieir dodwy – gellir creu mwy nag un fenter ar gyfer pob sied o ieir dodwy gan ganiatau iddynt gael eu meincnodi’n annibynnol.
- Dewiswch ddofednod o’r rhestr o sectorau
- Dewiswch y math o fenter – Ieir dodwy
- Dewiswch a yw’r haid yn rhai maes ai peidio
- Dewiswch y math o sied
- Rhowch enw addas i bob menter, fel y gallwch wahaniaethu rhyngddynt e.e Sied ieir dodwy 1
Gallwch greu mwy nag un fenter yma os oes gennych ddiadelloedd sy'n cael eu rheoli'n wahanol. Er enghraifft os oes gennych ddiadell fynydd sy'n cael ei rheoli ar wahân i efallai ddiadell bedigri sy'n byw ar lawr gwlad. Bydd meincnodi'r rhain yn unigol yn caniatáu i chi weld a dadansoddi eu perfformiad ar wahân.
- Dewiswch - Defaid o'r rhestr o sectorau
- Dewiswch y math o Dir sydd fwyaf priodol i'r fenter benodol nid y fferm gyfan
- Dewiswch y math o System
- Dewiswch y Math o Fenter
- Ar gyfer Mamogiaid Bridio, dewiswch y ffordd mae’r ŵyn yn cael eu gwerthu, y math o Frid a Phwysau Cyfartalog y famog.
Dewiswch y math o frid sy'n ddominyddol yn y ddiadell, neu sefydlwch fenter ar wahân os yw'r bridiau'n cael eu rheoli'n wahanol.
Ar gyfer Ŵyn a Brynwyd a Chyplau a Brynwyd, dewiswch y ffordd mae ŵyn yn cael eu gwerthu. - Yna rhowch enw ar y fenter, gan ddewis rhywbeth sy'n diffinio'r fenter yn glir e.e. Mamogiaid Pedigri