Mae'r sector dofednod yn DATAFFERM+ wedi'i sefydlu'n wahanol i DPA Sectorau eraill a DPA y Fferm gyfan, gan fod gan fentrau dofednod masnachol heidiau sy'n dod i mewn am gyfnod penodol o amser naill ai ar gyfer brwyliaid neu ieir dodwy.
Felly, rydym wedi creu'r adran ddofednod i ganiatáu i chi gynnwys dyddiadau cychwyn a gorffen ar gyfer pob haid.
Mae'r trefniant hwn yn caniatáu i chi gymharu heidiau yn hytrach na chymharu eich ffigurau blynyddol flwyddyn ar ôl blwyddyn, gan ganiatáu i chi wella o un haid i’r llall.
Ychwanegu ac enwi menter
Yn y lle cyntaf, mae angen i chi greu eich menter ddofednod ar gyfer naill ai brwyliaid neu ieir dodwy fel yr amlinellir yn y canllaw 'Ychwanegu ac enwi menter' drwy glicio ar y botwm “+ Ychwanegu menter” yn y dangosfwrdd.
Mae angen i chi greu menter sy'n cyd-fynd â'ch busnes. Os oes gennych chi fenter brwyliaid ac ieir dodwy, mae angen i chi greu menter ar gyfer pob un.
- Dewiswch ddofednod o'r rhestr o sectorau
- Dewiswch y math o fenter
- Dewiswch a yw'r haid yn rhai maes ai peidio
- Dewiswch y math o lety
- Rhowch enw addas i bob menter, fel y gallwch wahaniaethu rhyngddynt e.e. ieir dodwy aml-haen neu frwyliaid maes
Sefydlu heidiau
Os oes gennych chi sawl sied/haid, efallai yr hoffech chi feincnodi'r rhain yn unigol. Gallwch chi wneud hyn ar ôl i'r fenter brwyliaid neu ieir dodwy cyffredinol gael ei chreu.
Gofynnir i chi sefydlu haid newydd fel yr isod.
Mae angen i enw’r haid fod yn berthnasol i'r haid unigol e.e. Sied 1 ar ddiwedd Mehefin-26 - mae hyn yn caniatáu cymariaethau hawdd rhwng heidiau.
Er bod y dyddiadau'n hyblyg, mae ychwanegu'r dyddiadau cychwyn a gorffen yn caniatáu i chi gymharu data'n glir wrth edrych yn ôl.
Ychwanegu haid ychwanegol a rheoli haid
Os oes gennych chi sawl haid e.e. siediau sy'n cael eu rhedeg ar wahân, gallwch chi ychwanegu mwy o heidiau, drwy glicio “+ Ychwanegu heidiau dofednod” ar yr ochr dde
Mae “Rheoli haid dofednod” yn caniatáu i chi ddiwygio manylion yr haid ar unrhyw adeg. Os gwnaethoch chi gadw haid am gyfnod hirach na’r disgwyl, gallwch chi ymestyn y dyddiad gorffen.
Pan fyddwch wedi gorffen gyda’r haid ac nad ydych am gwblhau unrhyw feincnodi pellach ar yr haid honno, gallwch “Gau’r haid ddofednod” drwy glicio ar “Rheoli haid ddofednod” a sgrolio o dan y meysydd dyddiad cychwyn a gorffen.
Cyflwyno DPA dofednod ar gyfer yr SFS
Cwblheir hyn yn yr un modd â DPA eraill yn yr offeryn. Dilynwch y canllaw hwn i gael cymorth (dolen: https://businesswales.gov.wales/farmingconnect/benchmarking-2025/farmdata-help-centre/submitting-kpis-sfs)
Fodd bynnag, mae gwahaniaeth sylweddol ar gyfer DPA dofednod, sy'n golygu, ar ôl i DPA gael ei gyflwyno ar gyfer y SFS, gallwch barhau i olygu'r DPA. Mae angen y nifer lleiaf o ddata 6 mis er mwyn cyflwyno DPA ar gyfer y SFS. Os ydych chi'n newydd i ddofednod neu os oes gennych chi haid o ieir dodwy sy'n rhychwantu 3 blynedd galendr, gallwch chi ddal i gynnwys data mewn DPA ar gyfer yr SFS ond parhau i feincnodi'r cyfanswm ffigurau ar gyfer yr haid.