Cwrs hyfforddiant dwys dros 3 diwrnod gydag asesiad annibynnol a thystysgrif ar ôl cwblhau’r cwrs yn llwyddiannus.
Gall cwympo coed fod yn dasg beryglus. Dyna pam mae’n bwysig sicrhau eich bod yn meddu ar yr hyder, y ddealltwriaeth a’r sgiliau angenrheidiol er mwyn gwneud hynny’n ddiogel.
Bydd y cwrs hwn yn darparu’r technegau a’r wybodaeth diogelwch angenrheidiol er mwyn sichrau eich bod yn hyderus, ond hefyd yn ddiogel wrth gwympo coed dros 380mm. Sesiynau’r cwrs: Deddfwriaeth yr Awdurdod Gweithredol Iechyd a Diogelwch, cwympo, technegau cwympo ychwanegol, gwaredu brigau, trawslifio coed sydd wedi cwympo, tynnu coed crog i lawr, trin bonion coed, clirio’r safle a gwiriadau ar y llif gadwyn. Mae’n ofynnol eich bod wedi cwblhau eich cymwysterau Cynnal a Chadw, Trawslifio a Chwympo Coed dan 380mm cyn gallu mynychu’r cwrs.
Nodwch mai canllaw yn unig yw amlinelliad, hyd a llun bob cwrs. Cysylltwch â'r darparwr hyfforddiant am fwy o wybodaeth.
O 1 Medi 2023, rhaid i bob ymgeisydd gwblhau'r modiwl e-ddysgu gorfodol canlynol cyn gwneud cais am gyllid - Uned Orfodol: Iechyd a Diogelwch – Rheoli Risg mewn Coedwigaeth a Ffermio
Gweler manylion cyswllt yr holl ddarparwyr hyfforddiant isod.