Storfa Sgiliau

yr adnodd storio data’n ddiogel ar-lein ar gyfer datblygiad proffesiynol parhaus

Cyfle unigryw i gadw eich holl gofnodion datblygiad proffesiynol a phersonol. 

Gallwch gael mynediad at ddata am eich cymwysterau, sgiliau a datblygiad proffesiynol mewn un lle diogel ar-lein a’u diweddaru.

Gan gymryd eich bod eisoes wedi cofrestru â Cyswllt Ffermio, gallwch greu ‘proffil personol’ yn y Storfa Sgiliau mewn dim o dro. 

Bydd Storfa Sgiliau yn eich galluogi i…

• Cael mynediad at adroddiad digidol, neu adroddiad mae modd ei lawrlwytho, sy’n cynnwys eich holl sgiliau, hyfforddiant a chyraeddiadau academaidd/proffesiynol perthnasol
• Rhoi tystiolaeth o hyfforddiant rydych chi wedi’i wneud ar gyfer Cynlluniau Gwarant Fferm a sefydliadau yn y gadwyn gyflenwi, gan gynnwys cyfanwerthwyr, adwerthwyr ac ati
• Cael mynediad at y ffeithiau angenrheidiol i ddiweddaru eich CV (cliciwch yma i weld canllawiau sut i baratoi CV sy’n denu sylw)

Bydd eich cofnod yn y Storfa Sgiliau yn cynnwys... 

Gweithgareddau Cyswllt Ffermio

• Pob tystysgrif/hyfforddiant wyneb yn wyneb achrededig Cyswllt Ffermio
• Pob modiwl e-ddysgu Cyswllt Ffermio rydych chi wedi'i gwblhau
• Presenoldeb mewn digwyddiadau trosglwyddo gwybodaeth Cyswllt Ffermio 
• Cyfranogiad mewn prosiectau datblygiad personol neu fentrau penodol i sector Cyswllt Ffermio 

Bydd Cyswllt Ffermio yn uwchlwytho'r wybodaeth yma ar eich rhan

Gweithgareddau nad ydynt yn cael eu cynnal gan Cyswllt Ffermio

• Gall sefydliadau allanol, e.e. grwpiau cynhyrchwyr yn y gadwyn gyflenwi, anfon tystiolaeth o weithgareddau at Cyswllt Ffermio i’w uwchlwytho ar dudalen benodol ar Storfa Sgiliau. 
• Bydd yr wybodaeth rydych wedi'i storio yma yn cefnogi mentrau presennol y gadwyn gyflenwi.

Bydd Cyswllt Ffermio yn uwchlwytho'r wybodaeth yma ar eich rhan

Fy lle

• Cymwysterau/tystysgrifau neu ddiplomâu academaidd a phroffesiynol
• Ysgoloriaethau/dyfarniadau (Nuffield, Hybu Cig Cymru ac ati)
• Rôl bresennol a chyfrifoldebau/cyraeddiadau ar y fferm ac oddi arni
• Swyddogaeth(au) a chyfrifoldebau/cyraeddiadau blaenorol
• Profiad gwaith neu interniaeth (gan gynnwys ymweliadau gwaith dramor)
• Aelodaeth o sefydliadau perthnasol e.e. Undebau Ffermio, CFfI Cymru, Ffermwyr Dyfodol Cymru

Cewch eich cynghori i uwchlwytho'r wybodaeth yma eich hun