Tractorau a thrawma

Event overview

Pan fod pob eiliad yn cyfrif: Gweithdai cymorth cyntaf ymarferol i ffermwyr

Mae ffermio yn un o'r diwydiannau mwyaf peryglus yng Nghymru, a phan fo damwain yn digwydd, gall y camau a gymerir yn y munudau cyntaf wneud byd o wahaniaeth. Dyna pam mae Partneriaeth Diogelwch Fferm Cymru (WFSP) a'r tîm meddygol y tu ôl i Ambiwlans Awyr Cymru – Y Gwasanaeth Casglu a Throsglwyddo Meddygol Brys (EMRTS) wedi dod ynghyd i ddarparu gweithdy cymorth cyntaf mewn argyfwng ac ymarferol sydd wedi'i deilwra'n benodol ar gyfer ffermwyr a gweithwyr fferm.

Mae Ambiwlans Awyr Cymru a'r EMRTS yn ymateb i 90 digwyddiad ar gyfartaledd sy'n ymwneud â ffermio bob blwyddyn; gyda llawer ohonynt yn ymwneud ag argyfyngau meddygol a thrawmatig difrifol, megis:

· Damweiniau gyda cherbydau

· Anafiadau ar ôl gwasgfa

· Digwyddiadau yn ymwneud â da byw

· Ataliad y galon

Bydd y gweithdy rhyngweithiol hwn yn rhoi'r wybodaeth a'r hyder i chi ymateb yn effeithiol mewn argyfwng ar y fferm tra byddwch yn aros i gymorth meddygol proffesiynol gyrraedd.

Drwy senarios realistig sy'n seiliedig ar fywyd ar y fferm, bydd cyfranogwyr yn dysgu sgiliau hanfodol sy'n achub bywydau, gan gynnwys:

· CPR a Chymorth Bywyd Sylfaenol

· Rheoli gwaedu difrifol iawn

· Ymateb i anafiadau ar ôl gwasgfa

· Llosgiadau

· Ymdrin ag argyfyngau mewn lleoliadau gwledig anghysbell lle gallai cymorth gymryd amser i gyrraedd.

Peidiwch ag aros nes bod argyfwng yn digwydd. Buddsoddwch ychydig oriau nawr i ddysgu sgiliau achub bywyd a allai amddiffyn eich teulu, eich gweithwyr, eich cydweithwyr neu'ch cymdogion yn y dyfodol.

Mae’r digwyddiad hwn yn gymwys ar gyfer UA4 y Cynllun Ffermio Cynaliadwy (SFS).

Os bydd partner busnes yn mynychu, bydd yr oriau yn cyfrif tuag at Weithred Gyffredinol 4 (UA4): Datblygiad Proffesiynol Parhaus (DPP) yr SFS.

Mae angen neilltuo lle. I neilltuo eich lle, cofrestrwch isod neu cysylltwch â Chanolfan Wasanaeth Cyswllt Ffermio: 03456 000 813

Os nad ydych wedi eisioes, byddwch angen ailgofrestru gyda Cyswllt Ffermio gan ddefnyddio eich cyfrif One Login GOV.UK newydd. 

Mae canllaw ar sut i gofrestru gyda Cyswllt Ffermio ar gael yma:  Ail-gofrestrwch gyda Cyswllt Ffermio a symudwch i GOV.UK One Login | Farming Connect

Dyddiad ac amser