Yn hanesyddol, mae dyfodiad technolegau newydd wedi newid ac esblygu arferion ffermio yn barhaus, fel eu bod wedi dod yn fwyfwy effeithlon, cynaliadwy a phroffidiol.
Erbyn heddiw, oherwydd pwysau sylweddol ar y sector amaethyddol i gynyddu cynhyrchiant bwyd, i fod yn fwy cyfeillgar i'r amgylchedd a pharhau i fod yn broffidiol, mae ystod eang o dechnolegau arloesol yn cael eu datblygu.
Mae datblygiad technolegau o’r fath wedi cyflymu’n sylweddol dros yr ugain mlynedd diwethaf, a chyfeirir atynt erbyn hyn fel dull o reoli systemau cynhyrchu sy’n seiliedig ar wybodaeth, neu amaethyddiaeth fanwl, a disgwylir i hyn helpu i fynd i’r afael â’r pwysau cynyddol ar amaethyddiaeth o safbwynt amgylcheddol, economaidd, y farchnad a’r cyhoedd.