Mae'r Dyfarniad ILM Lefel 2 mewn Arwain a Sgiliau Tîm yn gymhwyster lefel mynediad i unrhyw un sydd â chyfrifoldebau rheoli ond dim cymhwyster ffurfiol. Mae hefyd yn ddefnyddiol i unrhyw un sy'n gobeithio symud ymlaen i swydd reoli ond sydd heb eto ffurfioli eu dealltwriaeth gydag unrhyw hyfforddiant. Mae'r rhaglen hon yn arbennig o gefnogol i arweinydd y tîm/arweinwyr tîm sy'n ceisio symud i'r lefel nesaf o reolwyr sydd angen arwain pobl drwy; newid sefydliadol, toriadau cyllidebol neu ar gyfer datblygiad personol.
Cynnwys y Cwrs
Bydd y cwrs hwn yn cynnwys y canlynol:
- Arwain Eich Tîm Gwaith – Nid yw pob arweinydd yn rheolwr ond trwy ddangos parodrwydd i arwain eich tîm gwaith rydych yn dangos bod gennych rinweddau rheoli da. Erbyn diwedd y modiwl hwn byddwch yn gallu arwain eich tîm gwaith yn hyderus ac yn gymwys.
- Diwallu Anghenion Cwsmeriaid – Un o ofynion marchnata a busnes yw diwallu anghenion eich cwsmer; mae hyn yn golygu bod angen i chi osod disgwyliad ac yna ei gyrraedd. Bydd y modiwl hwn yn eich dysgu sut i ddiwallu a rhagori ar anghenion a dymuniadau eich cwsmeriaid.
- Dulliau Cyfathrebu yn y Gweithle – Mae cyfathrebu yn allweddol i fusnes llwyddiannus; os oes problemau cyfathrebu, ni fydd y busnes yn para'n hir, a bydd y cwrs hwn yn dysgu'r pwyntiau allweddol i sgiliau cyfathrebu gwych i chi
- Gosod Amcanion Tîm yn y Gweithle – Mae angen amcanion ar bob gweithle i'w cyrraedd, i wneud i'r gweithle barhau i geisio'n galetach ac i sicrhau bod pawb yn gwella. Trwy osod amcanion y gellir eu cyrraedd, unwaith y bydd pawb wedi'u cwblhau fe fyddan nhw’n teimlo'n wych a bydd gennych forâl llawer uwch yn y gweithle.
- Deall Hyfforddiant a Choetsio – Mae hyfforddiant a choetsio yn agweddau pwysig iawn ar unrhyw swydd goruchwyliwr neu reolwyr. Mae angen i chi sicrhau eich staff yw’r gorau, a'ch bod yn eu mowldio’n weithiwr perffaith. Bydd y modiwl hwn yn eich dysgu sut i adnabod pa wendidau sydd gan eich staff a sut i'w gwella gyda gwahanol dechnegau hyfforddi a choetsio.
- Deall Arweinyddiaeth – Mae arweinyddiaeth yn bwnc mawr ac mae ei deall yn bwynt allweddol i ddod yn arweinydd gwych. Bydd y modiwl hwn yn eich dysgu sut i arwain o'r tu blaen a sut i ddefnyddio hynny er mantais i chi, ni waeth pa swydd sydd gennych.
- Datrys Problemau a Gwneud Penderfyniadau – Mae pawb yn dod ar draws problemau ond mae rheolwyr yn tueddu i ddod ar draws problemau'n amlach na pheidio. Mae'r modiwl hwn yn ddelfrydol i unrhyw un sy'n edrych ar swydd reoli gan y bydd yn eich dysgu nid yn unig sut i ddatrys unrhyw broblemau sy'n dod eich ffordd ond hefyd sut i fod yn bendant a gwneud y penderfyniadau cywir mewn cyfnod byr.
Canlyniadau Dysgu
Erbyn diwedd y cwrs bydd dysgwyr yn gallu:
- Esbonio a deall y gwahaniaeth rhwng dulliau arwain
- Deall rhinweddau arweinyddiaeth a gallu adolygu eich potensial arweinyddiaeth eich hun
- Rhagori ar anghenion eich cwsmeriaid
- Defnyddio technegau gwahanol i gadw'ch cwsmeriaid yn hapus
- Sut i ddatrys problemau yn gyflym ac yn effeithlon
- Esbonio'r gwahanol dechnegau hyfforddi a choetsio sydd ar gael
- Sut i gyfathrebu'n iawn yn eich gweithle
- Gosod amcanion sy'n heriol ac yn gyraeddadwy
Rhaid i bob ymgeisydd gwblhau'r modiwl e-ddysgu gorfodol canlynol cyn gwneud cais am gyllid - Uned Orfodol: Datblygu Sgiliau Arwain a Sgiliau Pobl ar gyfer Busnes Llwyddiannus
Mae'r Darparwyr Hyfforddiant canlynol ar gael i gyflwyno'r cwrs hwn: