Yn y bennod hon o'r podlediad Clust i'r Ddaear, mae Haydn Evans, Ymgynghorydd a Mentor Cyswllt Ffermio yn ymuno â'r cyflwynydd Ifan Jones Evans i drafod yr hyn sydd ei angen i adeiladu busnes fferm proffidiol a gwydn. Gan ddefnyddio ei daith unigryw o weithio mewn banc i ffermio llaeth, mae Haydn yn rhannu cipolwg ymarferol ar ddisgyblaeth ariannol, rheoli risg, cynllunio olyniaeth a phwysigrwydd cynllunio ymlaen llaw. Mae hefyd yn myfyrio ar werth mentora, gwersi a ddysgwyd drwy gydol ei yrfa, a'r neges allweddol y dylai pob busnes ffermio ei hystyried wrth baratoi ar gyfer y dyfodol.
Cofiwch fod Haydn yn un o lawer o Fentoriaid ac Ymgynghorwyr Cyswllt Ffermio a all gynorthwyo a herio eu cyfoedion ar ystod eang o bynciau. Mae mentoriaid wedi 'bod drwy'r daith' a gallant ddatblygu perthnasoedd yn seiliedig ar ymddiriedolaeth a pharch gan y naill a'r llall. Byddant yn gallu rhannu eu gwybodaeth, eu profiad a'u barn ddiduedd i'ch helpu i nodi eich nodau a chyflawni eich potensial.
Mae Cyfeirlyfr o Fentoriaid Cyswllt Ffermio ar gael ar wefan Cyswllt Ffermio ac mae'n brif 'ffenestr siop' sy'n eich galluogi i bori'r rhestr o broffiliau nes i chi ddod o hyd i fentor gyda'r cefndir a'r cymwysterau rydych chi'n teimlo all eich cynorthwyo orau. Yna gallwch chi gwblhau'r ffurflen gais ar gyfer y Rhaglen Fentora ar-lein.
Neu am ragor o fanylion cysylltwch â'ch Swyddog Datblygu Lleol.