Mae cadw moch yn iach, yn hapus ac yn gynhyrchiol yn dibynnu ar sicrhau bod tyddynwyr, yn ogystal â ffermwyr ag unedau moch mwy, yn dilyn sawl mesur syml. Bydd rhoi arferion bioddiogelwch da ar waith yn helpu i atal clefydau - mae atal bob amser yn well na gwella.
Mae lleihau'r risg bod clefyd yn taro eich moch nid yn unig yn cyfrannu at iechyd a lles da i’r anifeiliaid ond hefyd yn lleihau'r angen am driniaethau drud. Mae agweddau cynhyrchu eraill fel effeithlonrwydd porthiant a chyfraddau twf hefyd yn llai tebygol o gael eu heffeithio gan arwain at fusnes mwy proffidiol.