Meistr ar Borfa

Beth ddylid ei ddisgwyl? 

Bydd y gweithdy cynhwysfawr hwn yn darparu’r sgiliau i wneud y gorau o reolaeth y borfa, gwella gwytnwch y busnes, a gwella proffidioldeb gan hefyd leihau eich ôl troed carbon. Bydd cyfranogwyr yn dysgu sut i lunio platfform pori, mesur a rheoli’r borfa er mwyn sicrhau’r cynhyrchiant gorau posibl gyda chyn lleied o lafur â phosibl.

Ar gyfer pwy mae’r gweithdy hwn? 

Mae’n ddelfrydol ar gyfer ffermwyr sy’n ceisio lleihau costau mewnbwn trwy wella’r defnydd o’r borfa, a gwella effeithlonrwydd y fferm drwy reoli’r borfa’n fwy effeithiol, a gwella isadeiledd ac adnoddau ar gyfer gwneud penderfyniadau.

Beth mae’r gweithdy’n ei gynnwys?

• Lleihau costau mewnbwn gan hefyd gynnal cynhyrchiant trwy wella rheolaeth o’r borfa a phori. 
• Dysgu sut i fesur y borfa a defnyddio meddalwedd rheoli’r borfa er mwyn gwneud penderfyniadau gwybodus.
• Meistroli mesurydd plât, lletem laswellt a chynllunwyr cylchdro tymhorol.
• Dylunio system bori padogau gan ddefnyddio adnoddau mapio digidol. 
• Cyfrifo galw am borthiant a chreu cyllidebau porthiant ar gyfer gwahanol fathau o dda byw.
• Deall arferion gorau ar gyfer ffensys trydan, gan gynnwys gosodiad, deunyddiau ac ystyriaethau cost.
• Ennill profiad ymarferol o osod a thynnu ffensys trydan parhaol a dros dro.
• Archwilio systemau dŵr hyblyg, gan ddefnyddio pympiau solar, cafnau symudol a hydrantau.

Tiwtoriaid

Sarah Morgan - Precision Grazing Ltd 

Mae Sarah Morgan yn gweithio’n agos gyda ffermwyr i wella’r defnydd o’r borfa, sicrhau’r cyfraddau stocio gorau posibl, a gwella gwytnwch busnesau trwy wella strategaethau pori. Gan ddefnyddio agwedd ymarferol, mae Sarah yn arbenigo mewn integreiddio isadeiledd pori ymarferol, gan gynnwys systemau ffensio a dŵr, i greu llwyfannau pori effeithiol.

James Daniel – Precision Grazing Ltd

Fel sylfaenydd cwmni Precision Grazing Ltd, mae James yn arbenigo mewn pori adfywiol a rheoli busnesau fferm. Gyda phrofiad helaeth o helpu ffermwyr da byw i bontio i systemau mewnbwn isel, allbwn uchel, mae’n arbenigo mewn isadeiledd pori, iechyd y pridd, a chynllunio ariannol. Mae James yn darparu strategaethau ymarferol sy’n canolbwyntio ar ganlyniadau i helpu ffermwyr i adeiladu busnesau proffidiol a gwydn.

Agenda Enghreifftiol 

Diwrnod 1

12pm – Cyrraedd a chinio 

1pm – Tasgau theori ac ymarferol

5pm – Gorffen a chofrestru yn y llety

6pm – Swper gyda siaradwr gwadd/taith fferm ac arhosiad dros nos

Diwrnod 2

8:30am – Teithio i’r fferm 

9am – Sesiynau ymarferol 

12pm – Gorffen a theithio adref 

Dyddiadau a Lleoliadau

Gan ddibynnu ar y galw, cynhelir tri gweithdy Meistr ar Borfa ar wahân ar draws Cymru (Gogledd/Canolbarth/De) ar y dyddiadau canlynol. Dim ond un sydd angen i chi ei fynychu. Bydd y lleoliadau’n cael eu cadarnhau ar ôl asesu’r ceisiadau er mwyn canfod lleoliadau mor ganolog â phosibl.  

Cliciwch ar y ddolen isod i lenwi’r ffurflen gais.