Elen Gwen Williams

• P'un a ydych chi'n awyddus i ddatblygu syniad busnes newydd, cryfhau eich rhwydwaith proffesiynol neu ddysgu gan eraill sy'n wynebu heriau tebyg, mae Elen yn credu bod Agrisgôp yn darparu'r amgylchedd delfrydol i gyfnewid syniadau, meithrin hyder a throi cyfleoedd yn gamau ymarferol. Ar ôl cymryd rhan fel aelod o Agrisgôp ei hun, mae Elen, sy'n bridio ac yn dangos defaid Cheviot Tiroedd y Gogledd, wedi profi gwerth dysgu rhwng cyfoedion yn uniongyrchol.

"Mae gan bawb brofiadau a syniadau gwahanol i'w rhannu, a phan fydd pobl yn teimlo'n gyfforddus yn eu trafod yn agored, dyna'n aml pryd mae'r syniadau gorau'n dod i'r amlwg ac mae sgyrsiau'n troi'n gamau gweithredu."

• Wedi'i magu ar fferm deuluol ac ar ôl gweithio ar ffermydd yng Nghymru a Seland Newydd yn y gorffennol, mae Elen yn cyfuno profiad amaethyddol ymarferol â rolau proffesiynol gan gynorthwyo’r diwydiant amaeth yng Nghymru. Mae hi'n parhau i fod yn weithgar ym mhrosiect defaid ei theulu yng Ngogledd Cymru ac mae ganddi brofiad uniongyrchol o'r cyfleoedd a'r heriau sy'n wynebu busnesau ffermio heddiw.

• Fel Swyddog Gweinyddol a Marchnata gyda Chymdeithas Amaethyddol Môn, mae Elen yn chwarae rhan allweddol wrth gydlynu un o sioeau amaethyddol mwyaf Cymru. Mae gweithio'n agos gyda ffermwyr, gwirfoddolwyr, noddwyr, aelodau’r pwyllgor a chontractwyr wedi cryfhau ei sgiliau rheoli prosiectau, cyfathrebu a threfnu, gan roi dealltwriaeth eang iddi o'r diwydiant amaethyddol ledled Cymru.
• Rhoddodd ei rôl flaenorol fel Cynorthwyydd Marchnata ac Ymgysylltu gyda Sefydliad DPJ, lle bu’n ymdrin â’r cyfryngau cymdeithasol, gipolwg gwerthfawr iddi i’r pwysau sy’n wynebu teuluoedd sy’n ffermio, o ofynion rheoleiddio ac ansicrwydd ariannol i bwysau o ran yr hinsawdd a’r unigedd a brofir yn aml mewn cymunedau gwledig.

• Yn gyfathrebwr dwyieithog hyderus, mae Elen wedi cyfrannu at deledu, radio a phodlediadau ar faterion gwledig ac wedi siarad mewn digwyddiadau amaethyddol a chymunedol ledled Cymru. Mae hi'n mwynhau dod â phobl ynghyd, annog trafodaeth agored a helpu grwpiau i ddatblygu datrysiadau ymarferol i heriau cyffredin. "Mae Agrisgôp yn rhoi cyfle i bobl gamu'n ôl o'r drefn ddyddiol, cwrdd ag eraill sy'n wynebu heriau tebyg a darganfod syniadau na fyddent efallai byth wedi'u hystyried ar eu pen eu hunain.

Profiad, sgiliau, cymwysterau perthnasol

2024 hyd yma  Swyddog Gweinyddol a Marchnata, Cymdeithas Amaethyddol Môn

2020–2024      Cynorthwyydd Marchnata ac Ymgysylltu, Sefydliad DPJ

2018-2019       Derbynnydd, Milfeddygon y Wern

2015-2019       Gradd sylfaen Fd.Sc, Prifysgol Harper Adams