Academi yr Ifanc

Wyt ti rhwng 16 a 21 mlwydd oed ac â diddordeb mewn datblygu gyrfa yn y diwydiant amaeth? Os felly, dyma dy amser di… 

Bydd Academi yr Ifanc, sydd wedi'i ariannu'n llawn, yn cynnig:

• Cyfleoedd i gwrdd â rhai o’r bobl fwyaf blaenllaw yn y diwydiant bwyd ac amaeth
• Rhaglen o weithgareddau amrywiol i dy ysbrydoli i ddarganfod llwybr gyrfa
• Hyfforddiant ar gyfer sgiliau cyfathrebu, ymdrin â'r wasg a'r cyfryngau a sgiliau trafod
• Cyfleoedd i ennill profiad o gadeirio cyfarfodydd, lleisio dy farn a mynegi dy safbwynt mewn modd effeithiol
• Ffrindiau oes a llwybr i mewn i rwydwaith cymorth amhrisiadwy a fydd yn agor drysau ac yn creu cyfleoedd  

Mae posibilrwydd y gallai lleoliadau ar gyfer y sesiynau newid o ganlyniad i ffactorau allanol. 

Rhaid i ymgeiswyr ar gyfer Academi yr Ifanc fod dros 16 oed ac o dan 21 oed ar 11 Awst 2026.

Gall ymgeiswyr dros 21 oed wneud cais am yr Academi Amaeth (Rhaglen Hŷn). Rhaid i bob ymgeisydd gofrestru gyda Cyswllt Ffermio a chwblhau Cynllun Datblygu Personol ar ei gyfrif Hwb Sgiliau.

PWYSIG - Rhaid i ymgeiswyr fynychu pob un o'r sesiynau uchod a rhaid iddynt feddu ar basbort sy'n ddilys am o leiaf 6 mis ar ôl yr ymweliad tramor. Gall methu ag ymrwymo'n llawn i holl brofiad yr Academi Amaeth arwain at gael eich diarddel o'r rhaglen a bydd gofyn i chi ad-dalu costau'r daith. Ni all aelodau fod yn absennol o sesiynau preswyl, oni bai bod unrhyw un o’r canlynol yn berthnasol:

• Profedigaeth agos yn y teulu
• Salwch personol a nodyn meddyg dilys
• Cyfrifoldebau gofal brys ac anochel am unigolyn dibynnol