Steve Garrett

Fel Sylfaenydd Bwyd Go Iawn Glan-yr-afon (menter Gymdeithasol RCMA gynt) fe wnes i gynorthwyo i lywio Marchnad Ffermwyr Glan-yr-afon Caerdydd sydd wedi ennill gwobrau drwy bum mlynedd ar hugain o dwf fel menter gymdeithasol gynaliadwy, a arweiniodd at amryw o weithgareddau deilliedig megis: Gardd Gymunedol RCMA; ysgrifennu Pecyn Cymorth Marchnad Ffermwyr Trefol; a helpu i sefydlu a rheoli Gardd Farchnad Glan yr Afon (Coed Organics nawr) - menter gymdeithasol sy’n cynhyrchu bwyd ger Caerdydd.

Mae fy sawl rôl gyda Bwyd Go Iawn Glan-yr-afon wedi rhoi mewnwelediad amlwg i mi i ba ffactorau sy’n cyfrannu i ganlyniad llwyddiannus i unrhyw fusnes bach.

Roeddwn yn diwtor gyda rhaglen addysg allgymorth Prifysgol Caerdydd am bum mlynedd gan addysgu cwrs rheolaidd ynghylch ‘Dechrau Menter Gymdeithasol’. Rwyf hefyd yn fodel rôl i Syniadau Mawr Cymru, gan ymweld ag ysgolion a cholegau i annog ac ysbrydoli pobl ifanc i fod yn entrepreneuriaid, ac yn 2024 roeddwn yn feirniad a mentor i’r rhaglen Menter yr Ifanc.

Fel mentor gyda’r DTA, Dechrau Newydd Cymru a Busnes Cymdeithasol Cymru, rwyf wedi cynghori nifer o grwpiau cymunedol ac unigolion ynghylch trosi eu breuddwydion a dyheadau yn fusnesau sy’n economaidd hyfyw ac yn gyfrifol yn gymdeithasol , a deall pwysigrwydd a heriau cydbwyso hyfywedd busnes a phryderon moesegol/cynaladwyedd.

Roeddwn yn gweithio fel cynghorydd grantiau ac asesydd ar gyfer y rhaglenni ‘Bwyd Lleol’ a ‘Gwneud i Fwyd Lleol Weithio’ yn flaenorol, ac fel Mentor Rhannu Sgiliau gyda Sefydliad Pluckett. Roeddwn yn enillydd yng nghategori Amgylcheddwr Gwobrau Ysbrydoli Cymru a chyrhaeddais restr fer ar gyfer Gwobr Arwain Cymru.  Rwy’n Gymrawd yr Ysgol ar gyfer entrepreneuriaid cymdeithasol, ac enillydd gwobr Lefel 2 UnLTD, Sefydliad ar gyfer entrepreneuriaid cymdeithasol. Roeddwn hefyd yn aelod o banel dyfarnu grantiau UnLTD am sawl blwyddyn.