Lydia Fasham

Fel Sylfaenydd Henler ac Arbenigwraig Perthnasoedd Cleientiaid, mae hi wedi adeiladu busnes ar un egwyddor syml ond bwerus: helpu pobl i aros yn ddynol mewn byd busnes. Ar draws De Cymru, mae’n gweithio gyda chwmnïau o bob maint i gryfhau perthnasoedd â’u cleientiaid a chreu cysylltiadau sy’n para. Boed trwy weithdai ymarferol a deinamig, adolygiadau strategol, mentora timau neu gamu i mewn fel cynrychiolydd niwtral pan fo perthnasoedd yn mynd yn sensitif, mae ei gwaith yn helpu pobl wneud yr hyn sy’n ymddangos mor syml ond mor anodd mewn busnes - siarad â’i gilydd. Oherwydd yn aml, y ffordd gyflymaf o drwsio perthynas yw codi’r ffôn… ond gall hynny deimlo’n frawychus pan fo problem ar y gorwel.

Nid digwyddiad sengl a'i harweiniodd i entrepreneuriaeth, ond cred ddofn mewn dilysrwydd. Roedd hi erioed wedi bod yn hyderus yn ei hunaniaeth - ac roedd am i bobl eraill yn y byd busnes deimlo’r un peth. Roedd am eu helpu i ddathlu pwy ydyn nhw, pwy yw eu cleientiaid, ac adeiladu perthnasoedd gwaith cadarnhaol a gwirioneddol.

Yr ail wreichionyn oedd ymreolaeth. Fel mam i dri o arddegwyr, roedd angen ffordd o weithio a oedd yn gweithio idddi hi - gyda digon o hyblygrwydd i ymddangos fel ei hunan llawn bob tro, gwallgofrwydd bach a phopeth. Dechreuodd rannu’r realiti hwnnw’n agored gyda chleientiaid, ei rhwydwaith ehangach a’i chymuned gref ar LinkedIn, gan ddarganfod mai gwirionedd yw’r hyn sy’n adeiladu’r cysylltiadau cryfaf. O’r holl hyn y tyfodd Henler: ffordd o gefnogi timau De Cymru gyda’r ochr ddynol i fusnes, ac yn ei rôl fel Role Model, ffordd o ysbrydoli pobl sy’n ystyried cychwyn busnes i wybod mai bod yn chi’ch hun yw’r cyfrinach.

Mae’r peth gorau am fod yn fos arni’i hun yn syml: rhyddid. Hi sy’n gwneud y penderfyniadau, hi sy’n pennu pris sy’n teimlo’n deg (o fewn rheswm!), ac hi sy’n dewis gweithio gyda’r bobl sy’n teimlo’n aliniad naturiol, nid y bobl y mae’n “disgwyl” gweithio gyda nhw. Mae’r ymreolaeth honno’n caniatáu iddi adeiladu busnes sy’n adlewyrchu pwy ydyw ac i ddod â’r egni hwnnw i bob perthynas â chleientiaid a’i rhwydwaith ehangach.

Daeth ei hysbrydoliaeth hefyd o le dyfnach. Gwelodd mor brin oedd y cynrychiolaeth fenywaidd ym myd entrepreneuriaeth, ac roedd hynny’n sbardun enfawr iddi lansio ei busnes ei hun. Yn frwd o blaid menywod yn torri trwy’r “nenfwd gwydr” - yn union fel ei mam a’i neiniau o’i blaen - teimlodd mai dyled a breint yw camu ymlaen, gwneud ei marc, a dangos i fenywod eraill fod lle iddyn nhw yma.

Fel pob entrepreneur, mae hi wedi wynebu heriau, ond un o’r rhai mwyaf oedd gosod ffiniau. Yn ei busnes cyntaf, byddai’n gweithio hyd nos, dros benwythnosau, hyd yn oed yn ystod gwyliau. Roedd hi’n dweud “ie” wrth bawb ac i bopeth. Dros amser - gyda llawer o hunanymwybyddiaeth - sylweddolodd nad oedd y cyflymder hwnnw’n gynaliadwy. Bellach mae’n ddiamod am ddiogelu ei hamser a’i hegni, ac mae ganddi’r hyder i ddweud “na”. Mae hi’n dal i weithio’n galed, ond nid yw’n gadael i waith gipio ei bywyd mwyach. Mae bywyd yn rhy fyr i’w dreulio wedi’ch gludo at liniadur. Mae cymaint i’w weld, i’w wneud ac i’w fwynhau - ac mae hi’n dysgu cofleidio’r cyfan. Mae adeiladu Henler gyda ffiniau cliriach wedi ei gwneud yn well yn ei gwaith, yn well gartref, ac yn llawer mwy cyflawn fel person.

Heddiw, drwy Henler a’i gwaith fel Role Model, mae hi’n grymuso eraill i greu busnesau sy’n rhoi bodau dynol wrth eu calon - busnesau sy’n cael eu hadeiladu ar onestrwydd, empathi a chysylltiad go iawn. Mae hi’n dangos i eraill nad yw dilysrwydd yn “fonws” - mae’n hanfodol. Ac mae hi’n profi, bob dydd, mai aros yn ddynol mewn busnes yw’r ffordd wirioneddol o greu perthnasau sy’n para.