Gweithgaredd 8: Gallwn ei wneud

Amcan dysgu 

Datblygu gwaith tîm drwy wneud cynnyrch. 

Nodweddion Entrepreneuriaeth 

Cysylltiadau 

Cyfathrebu 

Gweithio gydag eraill 

Trefniadaeth

Rheoli adnoddau

Gweithgareddau Dysgu   

Fel dosbarth trafodwch “ Sut ydym am wneud y cynnyrch?” 

Cyflwynwch gysyniadau adnoddau a chynhyrchion. 

Eglurwch bwysigrwydd gweithio gyda’i gilydd a gwerth pob unigolyn o fewn y tîm. 

Mewn grwpiau, cytunwch a dynodwch dasgau a pharthau gwaith i unigolion neu grwpiau, gan bwysleisio eu rôl yn y tîm. Bydd hyn yn dibynnu ar y cynnyrch sy’n cael ei ddewis ond fe allai gynnwys trefniant llinell gynhyrchion e.e. torri, cyd-osod, pecynnu. 

Casglwch ynghyd a threfnwch yr adnoddau mae eu hangen a gofynnwch i’r disgyblion cydweithredu i wneud prototeip o’r cynnyrch. 

Gofynnwch i’r disgyblion drafod beth maent yn hoffi ei wneud orau a sut fydden nhw’n rhannu’r tasgau yn wahanol y tro nesaf a pha newidiadau os oes rhai, sydd angen i wneud cynnyrch o ansawdd. 

Gofynnwch i’r disgyblion ystyried: 

• Beth ydym angen i wneud ein cynnyrch/darparu ein gwasanaeth? 
• Pa eitemau sydd gennym eisoes? 
• Pa bethau allwn ni eu hailgylchu neu eu cael am ddim? 
• Beth fyddwn angen ei brynu? 
• Ble fydd ein gweithle? 
• Pa bryd fyddwn yn gweithio ar ein prosiect? (yn y dosbarth, amser cinio, ar ôl ysgol). 
• Pwy allwn gael i’n helpu? (rhieni, athrawon/disgyblion eraill). 

Canlyniad dysgu 

Bydd disgyblion wedi cael profiad o weithio mewn grwpiau bach i gwblhau tasg. 

Adnoddau sydd eu hangen 

Deunyddiau (yn dibynnu ar y cynnyrch) 

Cwricwlwm ar gyfer Cymru 

1. Meysydd Dysgu a Phrofiad 

Gwyddoniaeth a thechnoleg 

Mae syniadau dylunio a pheirianneg yn cynnig ffyrdd technegol a chreadigol i ateb anghenion a gofynion cymdeithas. 

2. Sgiliau Trawsgwricwlaidd 

Llythrennedd 

Siarad 

Ymddiddan cydweithredol 

Cwestiynu 

Rhifedd 

Llythrennedd rhifedd