Ardal: De Sir Drefaldwyn
Elin Haf Williams yw swyddog datblygu Cyswllt Ffermio ar gyfer De Sir Drefaldwyn.
Mae Elin yn treulio llawer o’i hamser hamdden yn cynnig help llaw ar y fferm bîff a defaid deuluol yn Llanwrin, ger Machynlleth, lle mae’n mwynhau ymwneud â phob agwedd o’r busnes, sy’n cadw diadell o famogiaid mynydd Cymreig yn bennaf, ynghyd â buches sugno.
Ar ôl mynychu Ysgol Bro Ddyfi, aeth Elin ymlaen i astudio daearyddiaeth gydag elfennau o amaethyddiaeth ym Mhrifysgol Aberystwyth. Yn fuan wedi iddi raddio, cafodd ei phenodi i swydd gyda CFfI Cymru yn eu prif swyddfa yn Llanelwedd, lle bu’n gweithio fel swyddog gweithrediadau ar gyfer materion gwledig a gwaith ieuenctid. Wedi cyfnod o 14 mis, ymunodd â Chyfoeth Naturiol Cymru i weithio ar brosiect byr yn hyrwyddo arfer dda wrth leihau llygredd amaethyddol ar ffermydd llaeth.
Mae gan Elin gylch eang o gysylltiadau yn Llanwrin a’r ardal gyfagos, ac mae’n aelod brwd o CFfI Bro Ddyfi.
Mae’n ffyddiog y bydd ei chefndir amaethyddol o fudd wrth iddi gynorthwyo busnesau fferm a choedwigaeth yn ei hardal i fanteisio ar bopeth sydd ar gael drwy Cyswllt Ffermio.
“Fy rôl yw cyfeirio ffermwyr a choedwigwyr yn fy ardal at becyn o wasanaethau sy’n bodloni eu gofynion penodol ar gyfer sgiliau busnes a phersonol, gan eu galluogi i berfformio hyd eithaf eu gallu ym mhob maes.
“Mae cymaint o gefnogaeth, cyngor a hyfforddiant ar gael yn ymwneud ag ystod eang o bynciau, yn amrywio o wella ansawdd pridd a rheoli’r borfa i faterion iechyd anifeiliaid, ac o gynllunio busnes ac ariannol i brosiectau meincnodi.”
Mae Elin yn mynychu marchnad Y Trallwng yn rheolaidd ac yn rheoli nifer o grwpiau trafod ar bynciau penodol yn ymwneud â bîff, defaid a llaeth, sy’n annog aelodau i edrych ar syniadau newydd a chwrdd â ffermwyr eraill.
Contact information: