Trosolwg
Mae Jonathan Evans yn ffermio ar fferm Berryhill, ger Trefdraeth, Sir Benfro, ar y cyd â’i dad, Marc, lle maent yn godro 220 o wartheg sy’n lloia drwy gydol y flwyddyn. Gan ganolbwyntio ar wella rhinweddau amgylcheddol a chynaliadwyedd bwydydd ar gyfer eu buches, eleni, byddant yn trin dau floc o dir ac yn hau 24.29 ha o india-corn gyda Ffa Dringo ar gyfer y fuches laeth, a 6.88ha arall o india-corn gyda Ffa Dringo a Blodau’r Haul ar gyfer stoc ifanc y fuches laeth. Trwy ychwanegu Ffa Dringo a Blodau’r Haul sy’n llawn protein at y cnwd india-corn, ceir potensial i gynyddu cynnwys protein cyffredinol y silwair sy’n cael ei gynaeafu.
Bydd y gwaith trin a phlannu’n dechrau ar ddiwedd mis Ebrill hyd at ganol mis Mai ar ôl torri’r rhygwellt porthiant. Bydd yr hadau india-corn/Ffa/Blodau’r Haul yn cael eu hau gan ddefnyddio dril hau aer cyflym manwl gywir Amazone Precea a gyflenwir gan eu gwerthwr peiriannau lleol, Riverlea. Bwriad Jonathan yw peidio â defnyddio unrhyw chwistrelli ar ôl drilio, ond yn hytrach i leihau’r baich chwyn drwy ddefnyddio hof arbrofol newydd wedi’i weithgynhyrchu gan Amazone; mae Jonathan wedi bod yn gweithio gyda Riverlea i ddod â’r hof i’r ardal ar gyfer y gwaith arbrofi.
Bydd y prosiect hefyd yn cyfrannu at ganlyniadau Rheoli Tir yn Gynaliadwy gan gynnwys:
- Gwella effeithlonrwydd adnoddau drwy wneud y defnydd gorau o borthiant a dyfir gartref ar y fferm
