Beth sydd wedi cael ei wneud?
Ar ôl plannu, cafwyd haf sych iawn ac nid yw’r india-corn wedi tyfu fel y byddem wedi’i obeithio.
Casglwyd profion meinwe ar ddechrau mis Mehefin i wirio am ddiffygion maeth. Roedd y canlyniadau’n dangos diffyg Magnesiwm, fel y gwelir yn Ffigur 1 isod.
Ffigur 1. Dadansoddiad o india-corn ym mis Mehefin 2025.
| Dadansoddiad | Canlyniad | Canllaw | Dehongliad | Sylwadau |
| Nitrogen* (%) | 4.63 | 3.5 | Normal | Lefel ddigonol. |
| Ffosfforws* (%) | 0.57 | 0.35 | Normal | Lefel ddigonol. |
| Potasiwm* (%) | 3.85 | 3 | Normal | Lefel ddigonol. |
| Calsiwm* (%) | 0.39 | 0.3 | Normal | Lefel ddigonol. |
| Magnesiwm* (%) | 0.18 | 0.25 | Isel | BLAENORIAETH AR GYFER TRINIAETH. |
| Sylffwr* (%) | 0.26 | 0.1 | Normal | Lefel ddigonol. |
| Boron* (ppm) | 4.6 | 7 | Isel | Blaenoriaeth isel. Gweler y sylwadau isod. |
| Copr* (ppm) | 7 | 7 | Normal | Lefel ddigonol. |
| Haearn* (ppm) | 445 | 75 | Normal | Lefel ddigonol. |
| Manganîs* (ppm) | 73.8 | 40 | Normal | Lefel ddigonol. |
| Molybdenwm* (ppm) | 0.48 | 0.2 | Normal | Lefel ddigonol. |
| Sinc* (ppm) | 41.9 | 30 | Normal | Lefel ddigonol. |
Yn dilyn y dadansoddiad, cafodd y cnwd ei chwistrellu gyda chynnyrch Croplift pro sy’n cynnwys magnesiwm. Gadawyd ardal reoli heb driniaeth er mwyn cymharu.
Yn dilyn chwistrellu a glawiad ar ôl cyfnod sych, roedd y cnwd yn edrych llawer gwell. Cynhaliwyd profion meinwe pellach wythnos ar ôl chwistrellu. Dangoswyd fod y cnwd yn isel yn y rhan fwyaf o faetholion. Roedd lefelau Sylffwr, Magnesiwm, a Manganîs yn isel iawn ac roedd lefelau Sinc a Nitrogen ychydig yn isel. Roedd lefelau Calsiwm yn isel iawn ond nid oedd yn cael ei ystyried yn flaenoriaeth ar gyfer y cnwd hwn.
Fe wnaethom ni benderfynu canolbwyntio ein hymdrechion ar gywiro’r maetholion a oedd yn dangos lefelau isel iawn yn y profion. Cafodd y cae ei chwistrellu o gwmpas 10 Gorffennaf gyda’r cynnyrch canlynol -
Mancozin - 1.25l/ha (yn cyflenwi’r Manganîs a’r Sinc)
Efficient N - 20l/ha (yn cyflenwi’r Nitrogen)
Epsotop - 5kg/ha (yn cyflenwi’r Magnesiwm a’r Sylffwr)
Beth nesaf?
● Cynhaliwyd profion ar y cae unwaith eto ar 10 Awst (y llain gyda thriniaeth a’r llain heb driniaeth) ac rydym yn aros am y canlyniadau.
Efallai na fydd y ffeil hon yn gyfan gwbl hygyrch.