Offer Prosiect Triniaeth Ddewisol wedi’i Thargedu (TST)
Bu Matthew Blyth o gwmni Blyth Livestock Advisor Services yn gweithio gyda ni ar y prosiect hwn i sicrhau bod y dechnoleg pwyso ac EID a oedd eisoes ar gael ar y fferm yn gweithio’n effeithiol gyda’i gilydd er mwyn rhoi’r prosiect Triniaeth Ddewisol wedi’i Thargedu ar waith, ac i roi sylw i unrhyw broblemau technoleg a oedd yn codi. Roedd y rhestr offer yn cynnwys:
- Tru-Test XR5000
- Cell lwytho Gallagher
- Darllennydd panel deuol Shearwell SDL150 D
- Darllennydd stoc Shearwell X6
- Yn rhedeg meddalwedd Shearwell Classic Farm Works
Ffigur 1. Offer ar fferm Tanygraig
Gyda’r system hon, cynhyrchwyd ffeil pwysau targed gan Matt Blyth ychydig ddyddiau cyn dod â’r ŵyn i mewn i’w pwyso, a oedd yn defnyddio data tywydd ac argaeledd porthiant i gyfrifo pwysau targed ar gyfer pob oen. Cafodd y wybodaeth ei llwytho i’r system Tru-Test XR5000 cyn pwyso.
Yn ystod y broses bwyso, roedd y sgrin yn dangos perfformiad pob oen o’i gymharu â’i bwysau targed ar unwaith, gan ddangos p’un a oedd yn cyflawni ei nodau Enillion Pwysau Byw Dyddiol (DLWG) ai peidio, ac a oedd angen triniaeth. Cafodd y system ei hintegreiddio gyda gwn dosio Te Pari sy’n graddnodi’n awtomatig gan addasu’r dos yn awtomatig yn seiliedig ar bwysau’r oen, gan felly roi’r driniaeth gywir i’r rhai a oedd ei hangen. Yna cafodd pob cofnod triniaeth unigol eu cofnodi ar feddalwedd Shearwell Farm Works a’r offer pwyso Tru-Test.
Mae manylion llawn y fethodoleg triniaeth ddewisol wedi’i thargedu, ynghyd ag arweiniad ynghylch yr offer a ddefnyddiwyd a sut y cawsant eu dewis ar gael yma.
Efallai na fydd y ffeil hon yn gyfan gwbl hygyrch.