Trosolwg
Treialu sefydlu cnydau garddwriaeth parhaol i arallgyfeirio’r busnes
Mae Parc y Dderwen yn fferm 12 erw a busnes bwyd yn Llangolman yng Ngogledd Sir Benfro, sy’n gweithredu heb ddefnyddio’r grid trydan. Maent yn arbenigo mewn ystod o gynhyrchion sauerkraut a kimchi amrwd ac wedi’u heplesu’n naturiol, wedi’u cynhyrchu gan ddefnyddio cynhwysion a dyfir yn bennaf yn eu gardd farchnad ecolegol heb balu. Caiff yr holl gynhyrchion eu creu ar eu safle eu hunain yn eu cegin brosesu mewn adeilad ffrâm bren, wedi’i bweru gan ynni solar ffotofoltäig (PV). Yn ogystal, maent yn tyfu amrywiaeth o gnydau hadau ar ran cwmnïau hadau lleol Rwal Seeds a Wales Seed Hub ac yn cyfanwerthu garlleg yn lleol.
Bydd yr arbrawf yn archwilio sefydliad cnydau coginio, meddyginiaeth a ffrwythau meddal parhaol i chwilio am lwybrau amgen i’r farchnad ar gyfer y busnes. Byddwn yn monitro ac yn adrodd ar brosesau trin, plannu, sefydlu, chwynnu a rheoli chwyn drwy gydol y tymor, ynghyd â sut i baratoi gwelyau parhaol ar gyfer y gaeaf i sicrhau cnwd iach yn y flwyddyn ganlynol.
Bydd y prosiect hefyd yn cyfrannu at ddeilliannau Rheoli Tir yn Gynaliadwy gan gynnwys:
- Ecosystemau gwydn
- Effeithlonrwydd adnoddau
